സ്വകാര്യ വ്യക്തിയുടെ കൃഷിയിടത്തിലെ കമ്ബിവേലിയില്‍ കടുവ കുടുങ്ങി
കണ്ണൂർ: കണ്ണൂർ കൊട്ടിയൂർ പന്നിയാംമലയില്‍ സ്വകാര്യ വ്യക്തിയുടെ കൃഷിയിടത്തില്‍ കടുവ കുടുങ്ങി. കൃഷിയിടത്തിലെ കമ്ബിവേലിയിലാണ് കടുവ കുടുങ്ങിയത്.
രാവിലെ ടാപ്പിംഗ് തൊഴിലാളികളാണ് കടുവ കമ്ബിവേലിയില്‍ കുടുങ്ങി നില്‍ക്കുന്നത് കണ്ടത്. വനം വകുപ്പ് സംഘം സ്ഥലത്തെത്തി. കടുവ കമ്ബി വേലിയില്‍ നിന്നും രക്ഷപ്പെട്ട് പുറത്തേക്ക് ചാടാൻ സാധ്യതയുളളതിനാല്‍ പ്രദേശത്തേക്കുളള റോഡുകള്‍ അടച്ചു. സ്ഥലത്ത് ജാഗ്രതാ നിർദ്ദേശം നല്‍കി.