ബൈക്കും കാറും കൂട്ടിയിടിച്ചു; ബൈക്ക് യാത്രികര്‍ മരിച്ചു
കൊച്ചി: മുളന്തുരുത്തിയില്‍ കാറും ബൈക്കും കൂട്ടിയിടിച്ച്‌ രണ്ട് യുവാക്കള്‍ മരിച്ചു.കാഞ്ഞിരമറ്റം സ്വദേശികളായ ജോയല്‍ ജോസഫ് ആന്‍റണി, നിസാം എന്നിവരാണ് മരിച്ചത്.ഇന്നലെ രാത്രി പത്തരയോടെയാണ് അപകടം നടന്നത്. മരിച്ച രണ്ടുപേരും ബൈക്ക് യാത്രികരാണ്.
ബൈക്ക് അപകടത്തില്‍ കാല്‍നടയാത്രക്കാരനും യുവാവും മരിച്ചു; ഒരാള്‍ക്ക് ഗുരുതര പരിക്ക്
തിരുവനന്തപുരം: കുളത്തൂരില്‍ ദേശീയപാതയിലുണ്ടായ വാഹനാപകടത്തില്‍ രണ്ട് യുവാക്കള്‍ക്ക് ദാരുണാന്ത്യം. അമിതവേഗതയില്‍ എത്തിയ ബൈക്കിടിച്ച്‌ കാല്‍നടയാത്രക്കാരനും ബൈക്ക് യാത്രികനുമാണ് മരിച്ചത്.
ബൈക്കില്‍ യാത്ര ചെയ്തിരുന്നവരില്‍ ഒരാള്‍ക്ക് ഗുരുതര പരിക്കേറ്റു. ബൈക്കോടിച്ചിരുന്ന മണക്കാട് സ്വദേശി അല്‍ താഹിർ (20) റോഡ് മുറിച്ചുകടക്കുകയായിരുന്ന സുനീഷ് (29) എന്നിവരാണ് മരിച്ചത്. ഇന്ന് വെളുപ്പിന് മൂന്നുമണിക്കായിരുന്നു അപകടം ഉണ്ടായത്.
ഗുരുതരമായി പരിക്കേറ്റ ഇവരെ മെഡിക്കല്‍ കോളേജിലെത്തിച്ചെങ്കിലും മരിച്ചു. ബൈക്കില്‍ ഒപ്പമുണ്ടായിരുന്ന മണക്കാട് സ്വദേശി അല്‍ അമാൻ (19) ഗുരുതരമായി പരിക്കേറ്റ് മെഡി കോളേജില്‍ ചികിത്സയിലാണ്.