കേരള എഞ്ചിനീയറിങ് മെഡിക്കല്‍ പ്രവേശനം (കീം 2024); അപേക്ഷിച്ചവര്‍ക്ക് കോഴ്സുകള്‍ കൂട്ടിച്ചേര്‍ക്കാൻ 2 ദിവസത്തെ അവസരം
തിരുവനന്തപുരം: കേരള എഞ്ചിനീയറിങ് ആന്റ് മെഡിക്കല്‍ പ്രവേശനത്തിന് (കീം 2024) അപേക്ഷിച്ചവർക്ക് കോഴ്സുകള്‍ കൂട്ടിച്ചേർക്കാൻ അവസരം.എൻജിനിയറിങ്, ഫാർമസി, ആർക്കിടെക്ചർ, മെഡിക്കല്‍, മെഡിക്കല്‍ അനുബന്ധ കോഴ്സുകള്‍ക്ക് ഫീസ് അടച്ച അപേക്ഷകർക്കാണ് കോഴ്സുകള്‍ കൂട്ടിച്ചേർക്കുന്നതിന് സംസ്ഥാന പ്രവേശന പരീക്ഷാ കമ്മീഷണർ ഇപ്പോള്‍ അവസരം ഒരിക്കുന്നത്.
ആർക്കിടെക്ചർ (ബി.ആർക്) കോഴ്സ് കൂട്ടിച്ചേർക്കുന്നവർ കൗണ്‍സില്‍ ഓഫ് ആർക്കിടെക്ചർ (NATA) നടത്തുന്ന പരീക്ഷ എഴുതി നിശ്ചിത യോഗ്യത നേടിയിരിക്കണം. മെഡിക്കല്‍, മെഡിക്കല്‍ അനുബന്ധ കോഴ്സുകള്‍ കൂട്ടിച്ചേർക്കുന്നവർ നാഷണല്‍ ടെസ്റ്റിങ് ഏജൻസി നടത്തുന്ന നീറ്റ് യു.ജി 2024 പരീക്ഷ എഴുതി നിശ്ചിത യോഗ്യത നേടിയിരിക്കണം.
ഫീസ് അടച്ചവർക്ക് കോഴ്സുകള്‍ കൂട്ടിച്ചേർക്കുന്നതിന് ഇന്ന് (2024 ഏപ്രില്‍ 23ന്) രാവിലെ 10 മുതല്‍ 24ന് വൈകുന്നേരം നാല് മണി വരെ www.cee.kerala.gov.in എന്ന വെബ്സൈറ്റില്‍ സൗകര്യമുണ്ട്. കോഴ്സുകള്‍ കൂട്ടിച്ചേർക്കുന്നത് സംബന്ധിച്ചുള്ള വിശദമായ വിജ്ഞാപനം പ്രവേശന പരീക്ഷാ കമ്മീഷണറുടെ വെബ്സൈറ്റില്‍ ലഭ്യമാണ്. ഹെല്‍പ് ലൈൻ നമ്ബർ: 0471 – 2525300.