വോട്ട് ലിസ്റ്റില്‍ സ്ത്രീ; സ്ത്രീ വേഷമണിഞ്ഞ് വോട്ടുചെയ്ത് പ്രതിഷേധിച്ച്‌ 76കാരൻ
കൊട്ടാരക്കര: എഴുകാേണില്‍ വോട്ടേഴ്സ് ലിസ്റ്റില്‍ സ്ത്രീ എന്ന് കണ്ടതാടെ 76കാരൻ സ്ത്രീവേഷമണിഞ്ഞ് വോട്ടു ചെയ്ത് പ്രതിഷേധിച്ചു.എഴുകോണ്‍ സ്വദേശി രാജേന്ദ്രപ്രസാദ് എഴുകോണ്‍ ഗവ.യു.പി.എസില്‍ 113 നമ്ബറിലാണ് പുരഷനായ ആള്‍ സ്ത്രീവേഷം അണിഞ്ഞ് വോട്ട് ചെയ്തത്.
തലയില്‍ ഹെല്‍മറ്റും വെപ്പ് മുടിയും ആഡംബര കണ്ണാടിയും മാക്സിയും ധരിച്ച്‌ കൈയില്‍ ടാബും ഭരണഘടനയുടെ ബുക്കും പിടിച്ചാണ് രാജേന്ദ്രൻ എത്തിയത്. വീട്ടില്‍നിന്ന് ഇറങ്ങിയപ്പോള്‍ തന്നെ റോഡിലുള്ളവർ ‘സ്ത്രീയായി മാറിയ’ രാജേന്ദ്രപ്രസാദിനെനോക്കി ചിരിക്കുകയും സംസാരിക്കുകയും ചെയ്തു. കാര്യങ്ങള്‍ നാട്ടുകാർ ചോദിച്ചപ്പോഴാണ് രാജേന്ദ്രൻ തൻറെ ദുർഗതിയെക്കുറിച്ച്‌ അവരോട് പറഞ്ഞത്. രാജേന്ദ്രപ്രസാദ് സ്ത്രീവേഷത്തില്‍ വരിയില്‍ നില്‍ക്കുകയും വോട്ട് ചെയ്യുകയും ചെയ്തു.