നിയന്ത്രണം വിട്ട ബുള്ളറ്റ് പാലത്തില്‍ ഇടിച്ചു; ശരീരത്തില്‍ കമ്ബി തുളച്ചു കയറി യുവാക്കള്‍ക്ക് ദാരുണാന്ത്യം
മലപ്പുറം: ശരീരത്തില്‍ കമ്ബി തുളച്ചു കയറി മലപ്പുറം വെളിയങ്കോടില്‍ യുവാക്കള്‍ക്ക് ദാരുണാന്ത്യം. വെളിയംകോട് സ്വദേശി ആഷിക്ക് (22), കരിങ്കല്ലത്താണി സ്വദേശി ഫാസില്‍ (19) എന്നിവരാണ് മരിച്ചത്.നിയന്ത്രണം വിട്ട ബുള്ളറ്റ് പാലത്തില്‍ കൈവരി നിർമിക്കുന്നതിനായി കെട്ടിയ കമ്ബിയിലേക്ക് ഇടിച്ച്‌ കയറിയാണ് അപകടമുണ്ടായത്. ചാവക്കാട് – പൊന്നാനി ദേശീയ പാതയില്‍ വെളിയംകോട് ആണ് ഇന്നലെ രാത്രി അപകടമുണ്ടായത്. സംഭവ സ്ഥലത്തുവെച്ചു തന്നെ ഇരുവരും മരിച്ചു. മൃതദേഹം ആശുപത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനല്‍കും.