വിമാനത്തില്‍ നിന്ന് ഇറങ്ങുന്നതിനിടെ സ്റ്റെപ്പ് ലാഡറില്‍ നിന്ന് വഴുതിവീണ് യാത്രക്കാരി മരിച്ചു
റിയാദ്: വിമാനത്തില്‍ നിന്ന് ഇറങ്ങുന്നതിനിടെ വഴുതിവീണ് യാത്രക്കാരി മരിച്ചു. മദീനയിലെ അമീർ മുഹമ്മദ് ബിൻ അബ്ദുല്‍ അസീസ് അന്താരാഷ്ട്ര വിമാനത്താവളത്തിലാണ് സംഭവം.ലയണ്‍ എയർ വിമാനത്തിലെ യാത്രക്കാരിയാണ് മരിച്ചത്.
വിമാനത്തില്‍ നിന്ന് ഇറങ്ങുന്നതിനിടെ സ്റ്റെപ്പ് ലാഡറില്‍ നിന്ന് വീഴുകയായിരുന്നു. ഗുരുതരമായി പരിക്കേറ്റ അവരെ ഉടൻ ആശുപത്രിയിലെത്തിച്ചെങ്കിലും മരിച്ചു. ലയണ്‍ എയറിെൻറ എ-330 വിമാനത്തില്‍ നടന്ന അപകടത്തെക്കുറിച്ച്‌ വിവരം ലഭിച്ചതായി നാഷനല്‍ സേഫ്റ്റി സെൻറർ ചൊവ്വാഴ്ച പ്രസ്താവനയില്‍ പറഞ്ഞു.
മദീന വിമാനത്താവളത്തില്‍ ഇറങ്ങുകയായിരുന്ന എല്‍.എൻ 074 നമ്ബർ വിമാനത്തിലാണ് സംഭവം. വിമാനത്തില്‍ നിന്ന് ഇറങ്ങുന്നതിനിടെ വീഴുകയായിരുന്നു. ഉടൻ തന്നെ നാഷനല്‍ ട്രാൻസ്‌പോർട്ടേഷൻ സേഫ്റ്റി സെൻററില്‍നിന്നുള്ള പ്രത്യേക സംഘങ്ങള്‍ അപകടസ്ഥലത്തെത്തി. സാഹചര്യങ്ങള്‍ അറിയുന്നതിനും കാരണങ്ങള്‍ നിർണയിക്കുന്നതിനും ആവശ്യമായ അന്വേഷണ നടപടിക്രമങ്ങള്‍ ആരംഭിച്ചിട്ടുണ്ട്. ബന്ധപ്പെട്ട അധികാരികളുമായി ഏകോപിപ്പിച്ച്‌ ആവശ്യമായ ശിപാർശകള്‍ കേന്ദ്രം നല്‍കുമെന്നും പ്രസ്താവനയില്‍ പറഞ്ഞു.