ഗോവ ട്രിപ്പിലെ സന്തോഷം പങ്കുവച്ച്‌ ഗോപികയും കീര്‍ത്തനയും ഷഫ്നയും; ഒപ്പം കൂടി സജിനും
ബാലതാരമായി സിനിമകളും സീരിയലും ചെയ്ത് ശ്രദ്ധനേടിയ അഭിനേത്രിയാണ് കീർത്തന അനില്‍. മുതിർന്നപ്പോള്‍ ചേച്ചിയും നടിയുമായ ഗോപികയ്ക്കൊപ്പവും കീർത്തന സീരിയലുകള്‍ ചെയ്തു.ഇപ്പോള്‍ ജോലിയുമായി തിരക്കിലായ കീർത്തന അഭിനയത്തില്‍ നിന്നും വിട്ടുനില്‍ക്കുകയാണ്. എംടെക്ക് പൂർത്തിയാക്കിയ കീർത്തന പങ്കുവെക്കുന്ന റീലുകളും ചിത്രങ്ങളുമെല്ലാം അതിവേഗത്തില്‍ ശ്രദ്ധിക്കപ്പെടാറുണ്ട്.
ചേച്ചി ഗോപികയ്ക്ക് ഒപ്പം എപ്പോഴും നിഴല്‍ പോലെ കീർത്തന ഉണ്ട്. എല്ലാ ട്രിപ്പിലും ലൊക്കേഷനിലും ഗോപികയും കീർത്തനയും ഒരുമിച്ചാണ് ഉണ്ടാവാറ്. ബെംഗളൂരുവിലേക്കുള്ള ഗേള്‍സ് ട്രിപ്പ് അവസാനിച്ച്‌ ദിവസങ്ങള്‍ക്കുള്ളില്‍ ഗോവ ട്രിപ്പ് ആരംഭിച്ചിരിക്കുകയാണ് കീർത്തനയും ടീമും. പതിവ് പോലെ കൂടെ ഗോപികയും ഷഫ്നയും സജിനുമുണ്ട്. സാന്ത്വനം സീരിയല്‍ മുതല്‍ ഏറ്റവും അടുത്ത സുഹൃത്തുക്കളാണ് ഇവരെല്ലാം. ഇത്തവണ ഗേള്‍സിനൊപ്പം സജിനും കൂടിയിരിക്കുകയാണ്. ഗോവ ബീച്ചില്‍ നിന്നുള്ള വീഡിയോയാണ് കീർത്തന പങ്കുവച്ചിരിക്കുന്നത്. ഫുള്‍ ട്രിപ്പിലാണല്ലോ എന്നാണ് ആരാധകർ ചോദിക്കുന്നത്.
ഗോപിക ഇപ്പോഴും സീരിയലില്‍ സജീവമാണ്. സാന്ത്വനത്തിലെ നായികാ വേഷമാണ് ഗോപിക ഒടുവിലായി ചെയ്തത്. അതേസമയം കുറച്ച്‌ നാളുകള്‍ക്ക് മുമ്ബ് ബാലതാരമായിരിക്കെ കീർത്തന ചെയ്ത മാംഗല്യം എന്ന സീരിയലിലെ സീനുകള്‍ വലിയ രീതിയില്‍ സോഷ്യല്‍മീഡിയയില്‍ വൈറലായിരുന്നു. ഒന്നാം ക്ലാസില്‍ പഠിക്കുന്ന സമയത്താണ് കീർത്തന മാംഗല്യത്തില്‍ റാണിമോളായി അഭിനയിച്ചത്. അസാധ്യ പ്രകടനമാണ് കൊച്ചു വില്ലത്തിയായി മാംഗല്യം സീരിയലില്‍ കീർത്തന കാഴ്ചവെച്ചത്. പലരും കീർത്തന അവതരിപ്പിച്ച റാണിമോളുടെ ഡയലോഗുകളും അഭിനയവും റീല്‍സാക്കി ചെയ്ത് ട്രെന്റിംഗില്‍ എത്തിച്ചിട്ടുമുണ്ട്.
കീർത്തനയുടെ അച്ഛൻ അനില്‍ മക്കളുടെ സീരിയലുകളുടെയും മറ്റും വീഡിയോകള്‍ നശിച്ച്‌ പോകാതിരിക്കാനും വല്ലപ്പോഴും എടുത്ത് കാണാനുമായി യുട്യൂബ് ചാനലുണ്ടാക്കി അതില്‍ സൂക്ഷിച്ച്‌ വെച്ചിരുന്നു. അവിടെ നിന്നാണ് കീർത്തനയുടെയും ഗോപികയുടെയും ആരാധകർ വീ‍ഡിയോ കുത്തിപ്പൊക്കി വൈറലാക്കിയത്.