ശബരിമലയില്‍ കച്ചവട ആവശ്യങ്ങള്‍ക്ക് പോയി തിരികെ വരുമ്ബോള്‍ അപകടം; പരിക്കേറ്റ് ചികിത്സയിലായിരുന്ന യുവാവ് മരിച്ചു
ആലപ്പുഴ: വാഹനാപകടത്തില്‍ പരിക്കേറ്റ് ചികിത്സയിലായിരുന്ന യുവാവ് മരിച്ചു. ആദിക്കാട്ടുകുളങ്ങര തുണ്ടില്‍ തെക്കേതില്‍ ഖാലിദിൻ്റെ മകൻ ഹാഷിം (27) ആണ് മരണപ്പെട്ടത്.ശബരിമലയില്‍ കച്ചവട ആവശ്യത്തിനായി പോയി തിരികെ വരുന്നതിനിടയില്‍ ഇവർ സഞ്ചരിച്ചിരുന്ന പിക്കപ്പ് വാൻ മറിഞ്ഞായിരുന്നു അപകടം. ശബരിമല പാതയില്‍ പെരുനാട് കൂനങ്കരയില്‍ വെച്ച്‌ കഴിഞ്ഞ തിങ്കളാഴ്ച വൈകീട്ടാണ് അപകടം നടന്നത്. അപകടത്തില്‍ ഗുരുതരമായി പരിക്കേറ്റ ഹാഷിം ചെങ്ങന്നൂരിലുള്ള സ്വകാര്യ ആശുപത്രിയില്‍ ചികിത്സയിലായിരുന്നു. മാതാവ് : സലീന. സഹോദരി : ആഷ്ന.