യുഎഇയില്‍ നിന്ന് ബിസിനസ് വിസയില്‍ സൗദിയിലെത്തിയ മലയാളി മരിച്ചു
റിയാദ്: യുഎഇയില്‍ നിന്ന് ബിസിനസ് വിസയില്‍ റിയാദിലെത്തിയ മലയാളി മരിച്ചു. പാലക്കാട്‌ മാങ്കുരൂശി മാവുണ്ടതറ വീട്ടില്‍ കബീർ (60) ആണ് റിയാദിലെ കിങ് ഫഹദ് മെഡിക്കല്‍ സിറ്റിയില്‍ മരിച്ചത്.ഏതാനും ദിവസം മുമ്ബാണ് യുഎഇയില്‍ നിന്ന് ബിസിനസ് വിസയില്‍ റിയാദില്‍ എത്തിയത്.
അതിനിടയില്‍ അസുഖം ബാധിക്കുകയും ആശുപത്രിയില്‍ പ്രവേശിപ്പിക്കുകയുമായിരുന്നു. പിതാവ്: ഇബ്രാഹിം, മാതാവ്: ആയിഷ, ഭാര്യ: റസിയ, മക്കള്‍: അബ്ദു സമദ്, അബ്ദു സലാം. മൃതദേഹം റിയാദില്‍ ഖബറടക്കും. അതിനാവശ്യമായ നടപടികള്‍ പൂർത്തീകരിക്കാൻ റിയാദ് കെ.എം.സി.സി മലപ്പുറം ജില്ലാ വെല്‍ഫെയർ വിങ് ചെയർമാൻ റഫീഖ് ചെറുമുക്ക്, ജനറല്‍ കണ്‍വീനർ റിയാസ് ചിങ്ങത്ത്‌, ജാഫർ വീമ്ബൂർ, നസീർ കണ്ണീരി എന്നിവർ നേതൃത്വം നല്‍കുന്നു.