ഏതൊക്കെ ടെസ്ല കാറുകളാണ് ഇന്ത്യയില്‍ എത്തുക?
അമേരിക്കൻ ഇലക്‌ട്രിക്ക് വാഹന ഭീമൻ ടെസ്‌ലയുടെ ഇന്ത്യയിലേക്കുള്ള കടന്നുവരവ് ഇപ്പോള്‍ ചൂടേറിയതുമായ വിഷയങ്ങളിലൊന്നാണ്.കമ്ബനി മുംബൈയില്‍ ഇന്ത്യയിലെ ആദ്യ ഷോറൂമിനുള്ള സ്ഥലത്തിനുള്ള വാടക കരാറില്‍ കമ്ബനി അടുത്തിടെ ഒപ്പിട്ടിരുന്നു. ബാന്ദ്ര കുർള കോംപ്ലക്സില്‍ 4,000 ചതുരശ്ര അടി വിസ്‍തൃതി ഉള്ളതാണ് ഈ ഷോറൂം. അടുത്ത മൂന്ന് മാസത്തിനുള്ളില്‍ കമ്ബനി ഇന്ത്യയില്‍ പ്രവർത്തനം ആരംഭിച്ചേക്കാം എന്നാണ് റിപ്പോർട്ടുകള്‍. ജർമ്മനിയിലെ ബെർലിനിലെ ബ്രാൻഡൻബർഗിലെ ടെസ്ല ഗിഗാഫാക്ടറിയില്‍ നിർമ്മിക്കുന്ന കാറുകള്‍ ഇന്ത്യയില്‍ ഇറക്കുമതി ചെയ്യും എന്നാണ് റിപ്പോർട്ടുകള്‍. ഇന്ത്യയിലേക്കുള്ള വരാനിരിക്കുന്ന മോഡല്‍ ലൈനപ്പ് ടെസ്ല ഇതുവരെ വെളിപ്പെടുത്തിയില്ല. എന്നാല്‍ കമ്ബനിയുടെ ഇന്ത്യയിലെ ശ്രേണിയില്‍ മോഡല്‍ 3, മോഡല്‍ എസ് എന്നിവ ഇതില്‍ ഉള്‍പ്പെടുമെന്ന് പ്രതീക്ഷിക്കുന്നു. വരാനിരിക്കുന്ന ഈ ടെസ്ല കാറുകളുടെ പ്രധാന വിശദാംശങ്ങള്‍ പരിശോധിക്കാം.
ടെസ്ല മോഡല്‍ 3
ആഗോള വിപണികളില്‍, ടെസ്ല മോഡല്‍ 3 ഒന്നിലധികം കോണ്‍ഫിഗറേഷനുകളിലാണ് വാഗ്ദാനം ചെയ്യുന്നത് . 57.5kWh RWD സിംഗിള്‍ മോട്ടോർ, ലോംഗ്-റേഞ്ച് 82kWh AWD ഡ്യുവല്‍ മോട്ടോറുകള്‍, പെർഫോമൻസ് 82kWh ഡ്യുവല്‍ മോട്ടോറുകള്‍ എന്നിവ. എൻട്രി ലെവല്‍ 57.5kWh RWD വേരിയന്റ് ഏകദേശം 513 കിലോമീറ്റർ ഡബ്ല്യുഎല്‍ടിപി റേഞ്ചും 201 കിലോമീറ്റർ ടോപ് സ്പീഡും വാഗ്ദാനം ചെയ്യുന്നു. സിംഗിള്‍ റിയർ-മൗണ്ടഡ് പെർമനന്റ് മാഗ്നറ്റ് സിൻക്രണസ് മോട്ടോറുമായാണ് ഇത് വരുന്നത്. ഇത് 170kWh വരെ ഡിസി ഫാസ്റ്റ് ചാർജിംഗിനെ പിന്തുണയ്ക്കുന്നു. 82kWh ബാറ്ററിയും ഡ്യുവല്‍ മോട്ടോറുകളും സജ്ജീകരിച്ചിരിക്കുന്ന ലോംഗ്-റേഞ്ച് AWD, പെർഫോമൻസ് വേരിയന്റുകള്‍ യഥാക്രമം 629 കിലോമീറ്ററും 528 കിലോമീറ്ററും അവകാശപ്പെടുന്ന ഡബ്ല്യുഎല്‍ടിപി റേഞ്ച് വാഗ്ദാനം ചെയ്യുന്നു. ഈ രണ്ട് വേരിയന്റുകളും 250kW വരെ ഡിസി ഫാസ്റ്റ് ചാർജർ ഉപയോഗിച്ച്‌ ചാർജ് ചെയ്യാൻ കഴിയും.
ടെസ്ല മോഡല്‍ 3 ന് വെറും 0.219 സിഡി ഡ്രാഗ് കോഫിഫിഷ്യന്റ് മാത്രമേയുള്ളൂ. അതിനാല്‍ ഇത് ഏറ്റവും എയറോഡൈനാമിക് പ്രൊഡക്ഷൻ കാറുകളില്‍ ഒന്നായി മാറുന്നു. പരമ്ബരാഗത കാറുകളില്‍ നിന്ന് വ്യത്യസ്തമായി, ഈ ഇലക്‌ട്രിക് സെഡാന് സ്റ്റാർട്ട്/സ്റ്റോപ്പ് ബട്ടണ്‍ ഇല്ല. പകരം, നിങ്ങള്‍ ഒരു ഫോണോ കീ കാർഡോ ഉപയോഗിച്ച്‌ ഡ്രൈവർ സീറ്റില്‍ ഇരുന്ന് ബ്രേക്ക് അമർത്തിയാല്‍ അത് ചലിക്കാൻ തുടങ്ങും. അത്യാധുനിക ഇൻഫോടെയ്ൻമെന്റ് സിസ്റ്റം, ഒരു വലിയ പനോരമിക് ഗ്ലാസ് റൂഫ്, ഒരു ബില്‍റ്റ്-ഇൻ ഡാഷ്‌ക്യാം, ഒടിഎ അപ്‌ഡേറ്റുകള്‍, ഓട്ടോപൈലറ്റ്, പൂർണ്ണ സെല്‍ഫ് ഡ്രൈവിംഗ് ശേഷി, 17-സീപ്പറുകളും 2 സബ്‌വൂഫറുകളും ഉള്ള ഒരു പ്രീമിയം സൗണ്ട് സിസ്റ്റം, 8-ഇഞ്ച് പിൻ സീറ്റ് എന്റർടൈൻമെന്റ് ഡിസ്‌പ്ലേ, നാവിഗേഷൻ, മീഡിയ, ക്ലൈമറ്റ് സെറ്റിംഗ്‌സ്, വാഹന കോണ്‍ഫിഗറേഷനുകള്‍ എന്നിവയ്‌ക്കായി 15.3 ഇഞ്ച് ടച്ച്‌സ്‌ക്രീൻ എന്നിവയും അതിലേറെയും ഇതിന്റെ മറ്റ് പ്രധാന സവിശേഷതകളില്‍ ഉള്‍പ്പെടുന്നു.
ടെസ്ല മോഡല്‍ എസ്
ടെസ്ല മോഡല്‍ എസ് രണ്ട് വേരിയന്റുകളിലാണ് വരുന്നത്. ഇവ രണ്ടിലും 100kWh ബാറ്ററി പായ്ക്കുകള്‍ വീതം ലഭിക്കുന്നു. ആദ്യത്തേത് പരമാവധി 670 bhp പവറും 1,020 Nm ടോർക്കും ഉത്പാദിപ്പിക്കുമ്ബോള്‍, രണ്ടാമത്തേത് 1,020 bhp പവറും 1,420 Nm ടോർക്കും വാഗ്ദാനം ചെയ്യുന്നു. ലോംഗ് റേഞ്ച്, പ്ലെയ്ഡ് വേരിയന്റുകള്‍ യഥാക്രമം ഏകദേശം 652 കിലോമീറ്ററും 637 കിലോമീറ്ററും അവകാശപ്പെടുന്ന റേഞ്ച് നല്‍കുന്നു. 250kW വരെ ഡിസി ഫാസ്റ്റ് ചാർജിംഗ് വഴി മോഡല്‍ S 15 മിനിറ്റിനുള്ളില്‍ ഏകദേശം 322 കിലോമീറ്റർ റേഞ്ച് ചാർജ് ചെയ്യാൻ കഴിയും. 300 മൈലിലധികം റേഞ്ചുള്ള ആദ്യത്തെ വൻതോതില്‍ ഉല്‍പ്പാദിപ്പിക്കുന്ന ഇലക്‌ട്രിക് കാറായിരുന്നു ഇത്.
12.3 ഇഞ്ച് ഫുള്ളി ഡിജിറ്റല്‍ എല്‍സിഡി, തിരശ്ചീനമായി സ്ഥാപിച്ചിരിക്കുന്ന 17 ഇഞ്ച് മള്‍ട്ടി-ടച്ച്‌ ഡിസ്‌പ്ലേ, 12-വേ ഇലക്‌ട്രിക്കലി അഡ്‍ജസ്റ്റ് ചെയ്യാവുന്ന, മെമ്മറി ഫംഗ്‌ഷനോടുകൂടിയ ഹീറ്റഡ് ഫ്രണ്ട് സീറ്റുകള്‍, 60:40 സ്പ്ലിറ്റ് ഫോള്‍ഡബിള്‍ പിൻ സീറ്റുകള്‍, പ്രീമിയം സൗണ്ട് സിസ്റ്റം, എച്ച്‌ഇപിഎ ഫില്‍ട്രേഷനോടുകൂടിയ അഡ്വാൻസ്‍ഡ് എച്ച്‌‍വിഎസി സിസ്റ്റം, ഓട്ടോപൈലറ്റ്, ഫുള്‍ സെല്‍ഫ് ഡ്രൈവിംഗ് (FSD) ശേഷി, ഒടിഎ അപ്‌ഡേറ്റുകള്‍, പനോരമിക് ഗ്ലാസ് റൂഫ് തുടങ്ങിയ നിരവധി നൂതന സവിശേഷതകള്‍ ഈ ടെസ്ല ഇവിയില്‍ ലഭിക്കുന്നു.