എംബാർക്കേഷൻ പോയിന്റ്:- കോഴിക്കോട് നിന്നും കണ്ണൂരിലേക്ക് മാറ്റൽ ഓൺലൈൻ അപേക്ഷ മാർച്ച് 17 മുതൽ 23 വരെ

കണ്ണൂർ എമ്പാർക്കേഷൻ പോയിന്റിൽ നിലവിൽ 516 സീറ്റുകൾ ലഭ്യമാണെന്നും, കോഴിക്കോട് എമ്പാർക്കേഷൻ പോയിന്റ് തെരഞ്ഞെടുക്കപ്പെട്ടവരിൽ എമ്പാർക്കേഷൻ പോയിന്റ് മാറ്റാനാഗ്രഹിക്കുന്നവരിൽ 516 പേരെ കണ്ണൂരിലേക്ക് മാറ്റാൻ കഴിയുമെന്നും കേന്ദ്ര ഹജ്ജ് കമ്മിറ്റി അറിയിച്ചിട്ടുണ്ട്.
ഇതിനായി കോഴിക്കോട് നിന്ന് കണ്ണൂർ എംബാർക്കേഷൻ പോയിന്റിലേക്ക് മാറുന്നതിന് യോഗ്യരായ ഹജ്ജ് തീർത്ഥാടകരിൽ നിന്ന് ഓൺലൈൻ ആയി അപേക്ഷ ക്ഷണിക്കുന്നു. 2025 മാർച്ച് 17 മുതൽ 2025 മാർച്ച് 23 വരെയാണ് അപേക്ഷ സമർപ്പിക്കാനുള്ള സമയം. നിലവിൽ ഹജ്ജ് അപേക്ഷയിൽ ഒന്നാമത്തെ ഒപ്ഷൻ കോഴിക്കോടും രണ്ടാമത്തെ ഒപ്ഷൻ കണ്ണൂരും നൽകിയവർക്ക് മാത്രമാണ് ഈ അവസരം നൽകുക. അപേക്ഷകർക്ക് അപേക്ഷ സമർപ്പിക്കുന്നതിനായി ഉപയോഗിച്ച യുസർ ഐ.ഡി.യും പാസ്‌വേർഡുമാണ് ഉപയോഗിക്കേണ്ടത്.
താൽപരമുള്ള അപേക്ഷകർ ഹജ്ജ് കമ്മിറ്റി ഓഫ് ഇന്ത്യയുടെ വെബ്സൈറ്റിലെ https://www.hajcommittee.gov.in പിൽഗ്രിം ലോഗിൻ പേജിൽ ലോഗിൻ ചെയ്യുകയും അവരുടെ സന്നദ്ധത രേഖപ്പെടുത്തുകയും വേണം. കണ്ണൂരിലേക്ക് മാറാൻ താൽപര്യമുള്ളവർ YES (‘Y’) എന്നത് തിരഞ്ഞെടുക്കുക. ഓൺ അപേക്ഷ സ്വീകരിക്കുന്ന അവസാന തിയ്യതി മാർച്ച് 23. അതിന് ശേഷം അപേക്ഷകൾ സ്വീകരിക്കുന്നതല്ല. മൊത്തം ലഭിക്കുന്ന അപേക്ഷകളിൽ കണ്ണൂർ എംബാർക്കേഷൻ പോയിന്റിൽ ലഭ്യമായ സീറ്റുകളിലേക്ക് ആവശ്യമെങ്കിൽ കേന്ദ്ര ഹജ്ജ് കമ്മിറ്റി നറുക്കെടുപ്പിലൂടെ (ഹജ്ജ് പോളിസി നറുക്കെടുപ്പ് മാനദണ്ഡം) അപേക്ഷകരെ തെരഞ്ഞെടുക്കും. ഇത് സംബന്ധിച്ച എല്ലാ നടപടികളും 2025 മാർച്ച് 25 നകം പൂർത്തിയാക്കും. കൂടാതെ എല്ലാ വിവരങ്ങളും തിരഞ്ഞെടുക്കപ്പെടുന്ന തീർത്ഥാടകരെ SMS/WhatsApp വഴി അറിയിക്കും. പിൽഗ്രിം ലോഗിനിലൂടെ പോർട്ടലിൽ അവരുടെ പുതുക്കിയ എംബാർക്കേഷൻ മുൻഗണന കാണാനും കഴിയും.
– (ജാഫർ കെ. കക്കൂത്ത്)
അസിസ്റ്റന്റ് സെക്രട്ടറി
കേരള സംസ്ഥാന ഹജ്ജ് കമ്മിറ്റി.