ഉരുള്‍പൊട്ടല്‍ പുനരധിവാസം: 242 പേരില്‍ 235 പേര്‍ സമ്മത പത്രം കൈമാറി, 2എ, 2ബി ലിസ്റ്റിലുള്ളവര്‍ക്ക് ഇന്ന് മുതല്‍ അവസരം
വയനാട്: ഉരുള്‍പൊട്ടല്‍ പുനരധിവാസത്തിനായി 235 ഗുണഭോക്താക്കള്‍ സമ്മതപത്രം നല്‍കി. ആദ്യഘട്ട ഗുണഭോക്ത്യ പട്ടികയിലുള്‍പ്പെട്ട 242 പേരില്‍ 235 ആളുകളാണ് സമ്മതപത്രം കൈമാറിയത്.170 പേര്‍ വീടിനായും 65 പേര്‍ സാമ്ബത്തിക സഹായത്തിനുമാണ് സമ്മതപത്രം കൈമാറിയത്. ആദ്യഘട്ട പട്ടികയില്‍ പെട്ടവവർക്ക് സമ്മതപത്രം നല്‍കാനുള്ള അവസാന ദിവസമായിരുന്ന ഇന്നലെ മാത്രം 113 പേരാണ് സമ്മതപത്രം നല്‍കിയത്.
നേരത്തെ 10 സെൻറ് ഭൂമിയോ 40 ലക്ഷമോ എന്ന ആവശ്യം ഉന്നയിച്ച്‌ സമ്മതപത്രം നല്‍കാൻ ദുരന്തബാധിതർ വിസമ്മതിച്ചിരുന്നു. എന്നാല്‍ സർക്കാർ അനുകൂല നിലപാട് എടുക്കുന്നില്ല എന്ന് കണ്ടതോടെ സമ്മതപത്രം നല്‍കാൻ ആക്ഷൻ കമ്മിറ്റികള്‍ ദുരന്തബാധിതരോട് ആവശ്യപ്പെടുകയായിരുന്നു. 2എ, 2ബി ലിസ്റ്റിലുള്ളവർക്ക് ഇന്ന് മുതല്‍ സമ്മതപത്രം നല്‍കാനാവും.