നമ്ബര്‍ പ്ലേറ്റ് നിര്‍മാണത്തിനിടെ യുവതിയുടെ വിരല്‍ ഡിസൈനിങ് മെഷീനില്‍ കുടുങ്ങി, രക്ഷകരായി ഫയര്‍ഫോഴ്സ്
തിരുവനന്തപുരം: നമ്ബർ പ്ലേറ്റ് തയാറാക്കുന്നതിനിടെ സ്വകാര്യ സ്ഥാപനത്തിലെ ജീവനക്കാരിയുടെ വിരല്‍ മെഷീനില്‍ കുടുങ്ങി.ഫയർ ഫോഴ്സ് എത്തിയാണ് കൈ പുറത്തെടുത്തത്. ഇന്നലെ വൈകുന്നേരമായിരുന്നു സംഭവം. തൈക്കാട് ജംഗ്ഷനില്‍ പ്രവർത്തിക്കുന്ന നമ്ബർപ്ലേറ്റ് ഡിസൈനിങ് സ്ഥാപനത്തിലെ ജീവനക്കാരിയായ അനീഷ (24)യുടെ വിരലാണ് ഡിസൈനിങ് മെഷീനില്‍ കുടുങ്ങിയത്.
വലതുകൈയിലെ വിരല്‍ മെഷീനില്‍ കുടുങ്ങി പുറത്തെടുക്കാനാകാതായതോടെ ഫയർഫോഴ്‌സിനെ വിവരം അറിയിക്കുകയായിരുന്നു. തിരുവനന്തപുരം നിലയത്തില്‍ നിന്ന് ഗ്രേഡ് എഎസ്ടിഒ ഉല്ലാസിന്റെ നേതൃത്വത്തില്‍ സജികുമാർ, ഷഹീർ, ഹരിലാല്‍, മനു, സനു, ശ്രീജിത്ത്, പ്രശാന്ത്, ബൈജു എന്നിവർ എത്തി ഹൈഡ്രോളിക് കട്ടർ, ആംഗിള്‍ കട്ടർ എന്നിവ ഉപയോഗിച്ച്‌ അരമണിക്കൂർ പരിശ്രമിച്ചാണ് കുടുങ്ങിയ വിരല്‍ പുറത്തെടുത്തത്.
വിരലിനു ചതവും നീരും ഉണ്ടായതോടെ അനീഷയെ ഫയർഫോഴ്‌സ് ആംബുലൻസില്‍ തിരുവനന്തപുരം ജനറല്‍ ആശുപത്രിയില്‍ പ്രവേശിപ്പിച്ചു. ചികിത്സയ്ക്ക് ശേഷം അനീഷ സുഖം പ്രാപിച്ചുവരുന്നെന്നാണ് സഹപ്രവർത്തകർ വിശദമാക്കുന്നത്.