ബൈക്ക് നിയന്ത്രണം വിട്ട് മറിഞ്ഞ് അപകടം, ചികിത്സയിലായിരുന്ന ഡി ജെ ആര്‍ട്ടിസ്റ്റ് മരിച്ചു
തിരുവനന്തപുരം: ബൈക്ക് അപകടത്തില്‍ പരിക്കേറ്റ് ചികില്‍സയിലായിരുന്ന പേയാട് ചീലിപ്പാറ നിള ഗാർഡൻസ് അത്താഴ മംഗലം വീട്ടില്‍ വിവേക് റാണ(38) മരിച്ചു.ഡി.ജെ ആർട്ടിസ്റ്റും കാട്ടാക്കട എ ഇ ഒ ഓഫിസിലെ ക്ലാർക്കുമാണ് വിവേക് റാണ. തിരുമല – പാങ്ങോട് റോഡില്‍ ഇക്കഴിഞ്ഞ 29ന് രാത്രി പാങ്ങോട് സൈനിക കേന്ദ്രത്തിനു സമീപം ബൈക്ക് നിയന്ത്രണം വിട്ട് മറിഞ്ഞ് വിവേകിന് ഗുരുതരമായി പരിക്കേറ്റിരുന്നു.
പ്രദേശവാസികളാണ് ഇയാളെ ആശുപത്രിയിലെത്തിച്ചത്. മെഡിക്കല്‍ കോളെജ് ആശുപത്രിയില്‍ ചികില്‍സയിലിരിക്കെയാണ് വിവേക് റാണയുടെ മരണം. സംഭവത്തില്‍ പൂജപ്പുര പൊലീസ് കേസെടുത്തു. മാതാവ് : പി.എസ്.ലത.സഹോദരൻ : കാർത്തിക് റാണ.ഭാര്യ : സൂര്യ രാജ്.മക്കള്‍ : താനിയ റാണ,നതാഷ റാണ.