സംസ്‌കൃത സര്‍വ്വകലാശാലയില്‍ പി.ജി; ജ്യോഗ്രഫിയിലും സൈക്കോളജിയിലും ഒഴിവുകള്‍, സ്‌പോട്ട് അഡ്മിഷന്‍ ജൂലൈ 14ന്
കാലടി: ശ്രീശങ്കരാചര്യ സംസ്‌കൃത സര്‍വകലാശാലയുടെ കാലടി മുഖ്യക്യാമ്പസിലെ ജ്യോഗ്രഫി, സൈക്കോളജി വിഭാഗങ്ങളിലെ പി.ജി പ്രോഗ്രാമുകളില്‍ ഒഴിവുളള സീറ്റുകളിലേയ്ക്കുളള സ്‌പോട്ട് അഡ്മിഷന്‍ ജൂലൈ 14ന് രാവിലെ 11ന് അതത് വകുപ്പുകളില്‍ നടത്തുമെന്ന് സര്‍വ്വകലാശാല അറിയിച്ചു. എം.എസ്.സി (സൈക്കോളജി), എം.എസ്.സി. (ജ്യോഗ്രഫി), എം.എസ്.സി (ജ്യോഗ്രഫി ആന്‍ഡ് ഡിസാസ്റ്റര്‍ മാനേജ്‌മെന്റ്), എം.എസ്.സി (സൈക്കോളജി ആന്‍ഡ് ഡിസാസ്റ്റര്‍ മാനേജ്‌മെന്റ്) പ്രോഗ്രാമുകളിലാണ് ഒഴിവുകള്‍. എം.എസ്.സി (ജ്യോഗ്രഫി) എം.എസ്.സി. (സൈക്കോളജി) പ്രോഗ്രാമുകളില്‍ എസ്.ടി വിഭാഗത്തിനായി സംവരണം ചെയ്തിരിക്കുന്ന ഒരു സീറ്റിലാണ് ഒഴിവുളളത്.
എം.എസ്.സി (സൈക്കോളജി ആന്‍ഡ് ഡിസാസ്റ്റര്‍ മാനേജ്‌മെന്റ്) പ്രോഗ്രാമില്‍ എസ്.സി. എസ്.ടി, ഇ/ടി/ബി വിഭാഗങ്ങളില്‍ ഒഴിവുളള ഓരോ സീറ്റുകളിലേയ്ക്കുളള എം.എസ്.സി (ജ്യോഗ്രഫി ആന്‍ഡ് ഡിസാസ്റ്റര്‍ മാനേജ്‌മെന്റ്) പ്രോഗ്രാമില്‍ ഒഴിവുളള ഒരു എസ്.സി. സീറ്റിലേയ്ക്കുമാണ് സ്‌പോട്ട് അഡ്മിഷന്‍ നടത്തുന്നത്. എഴുത്ത് പരീക്ഷയുടെ അടിസ്ഥാനത്തിലാണ് പ്രവേശനം. താല്പര്യമുളള വിദ്യാര്‍ത്ഥികള്‍ അസല്‍ സര്‍ട്ടിഫിക്കറ്റുകളുമായി ഹാജരാകണം. കൂടുതല്‍ വിവരങ്ങള്‍ക്ക് ഫോണ്‍: 9446389010 (ജ്യോഗ്രഫി വിഭാഗം ), 9447326808 (സൈക്കോളജി വിഭാഗം).