മുഖം സുന്ദരമാക്കാൻ ഓറഞ്ച് തൊലി ഉപയോഗിക്കാം
ചർമ്മ സംരക്ഷണത്തിന് ഏറ്റവും മികച്ചതാണ് ഓറഞ്ച്. വരണ്ട ചർമ്മം, ചുളിവുകള്‍, കണ്ണിന് ചുറ്റുമുള്ള കറുപ്പ് എന്നിവ മാറാൻ ഓറഞ്ച് ഫേസ് പാക്കുകള്‍ വീട്ടില്‍ തന്നെ പരീക്ഷിക്കാവുന്നതാണ്.ചർമ്മത്തിന്‌ ഗുണകരമാകുന്ന നിരവധി ഘടകങ്ങള്‍ ഓറഞ്ച് തൊലിയില്‍ അടങ്ങിയിട്ടുണ്ട്‌.
തിളങ്ങുന്ന ചർമ്മം നേടാനുള്ള പ്രകൃതിദത്ത മാർഗ്ഗമാണിത്‌.
ഓറഞ്ച് തൊലി ഉപയോഗിച്ച്‌ പതിവായി ഈ മുഖലേപനം ഉപയോഗിക്കുന്നതിലൂടെ കറുത്ത പാടുകള്‍, ചർമ്മത്തിന്റെ നിറം മാറ്റം (പിഗ്മന്റേഷൻ), ബ്ലാക്‌ഹെഡ്സ് എന്നിവ എളുപ്പം അകറ്റാം. വീട്ടില്‍ തന്നെ പരീക്ഷിക്കാം ഓറഞ്ച് തൊലി കൊണ്ടുള്ള ഫേസ് പാക്കുകള്‍.
ഒന്ന്
രണ്ട് സ്പൂണ്‍ ഓറഞ്ച് തൊലി പൊടിച്ചതും അല്‍പം അല്‍പം തെെരും യോജിപ്പിച്ച്‌ മുഖത്തിടുക. നന്നായി ഉണങ്ങിയതിന് ശേഷം മുഖം കഴുകുക. ഈ പാക്ക് മുഖം സുന്ദരമാക്കുന്നു.
രണ്ട്
അല്‍പം ഓറഞ്ച് തൊലി പൊടിച്ചതും പാലും യോജിപ്പിച്ച്‌ മുഖത്തും കഴുത്തിലുമായി പുരട്ടുക. 20 മിനുട്ടിന് ശേഷം കഴുകുക. ചർമ്മസംരക്ഷണത്തിന് മികച്ചൊരു പാക്കാണിത്.
മൂന്ന്
കറ്റാർവാഴ ജെല്ലും ഓറഞ്ച് തൊലി ഉണക്കി പൊടിച്ചതും യോജിപ്പിച്ച്‌ ചേർത്ത് പാക്ക് ഉണ്ടാക്കുക. ശേഷം ഈ പാക്ക് മുഖത്തും കഴുത്തിലുമായി ഇടുക. ആഴ്‌ചയില്‍ രണ്ടോ മൂന്നോ പ്രാവശ്യം ഇടാവുന്നതാണ്.