സ്‌കൂള്‍ വിദ്യാര്‍ത്ഥികള്‍ തമ്മില്‍ സംഘര്‍ഷം,പെപ്പര്‍ സ്‌പ്രേ ആക്രമണവുമായി മാതാപിതാക്കള്‍; പരുക്കേറ്റ 8 കുട്ടികള്‍ ചികിത്സയില്‍
വിദ്യാര്‍ത്ഥികള്‍ക്ക് നേരെ പെപ്പര്‍ സ്‌പ്രേ പ്രയോഗം. ഇടുക്കി ബൈസണ്‍ വാലി സര്‍ക്കാര്‍ ഹയര്‍സെക്കന്‍ഡറി സ്‌കൂളിലെ വിദ്യാര്‍ത്ഥികള്‍ക്കാണ് പരുക്കേറ്റത്. സ്‌കൂളില്‍ പഠിക്കുന്ന വിദ്യാര്‍ത്ഥിയും സഹപാഠിയുടെ മാതാപിതാക്കളും തമ്മില്‍ സംഘര്‍ഷം ഉണ്ടായിരുന്നു. ഇതിന് ഇടയിലാണ് പെപ്പര്‍ സ്‌പ്രേ പ്രയോഗം നടന്നത്.
സഹപാഠിയുടെ മാതാപിതാക്കളാണ് ആക്രമണം നടത്തിയത്. ആക്രമണം നടത്തിയ മാതാപിതാക്കളും ഇവരുടെ കുട്ടിയുടെ സഹപാഠിയായ വിദ്യാര്‍ത്ഥിയും തമ്മില്‍ ഇന്ന് രാവിലെ സംഘര്‍ഷമുണ്ടായിരുന്നു. ഇതിനിടെയാണ് പെപ്പര്‍ സ്‌പ്രേ പ്രയോഗിച്ചത്. പരുക്കേറ്റ 8 കുട്ടികള്‍ ചികിത്സയില്‍ കഴിയുകയാണ്. ഇവരുടെ പരുക്ക് സാരമുള്ളതല്ലെന്നാണ് വിവരം.