ജമ്മു കശ്മീരില്‍ നിയന്ത്രണ രേഖയോട് ചേര്‍ന്ന് സ്‌ഫോടനം, ഒരു ജവാന് വീരമൃത്യു
ജമ്മു കശ്മീരിലെ പുഞ്ചില്‍ നിയന്ത്രണ രേഖയോട് ചേര്‍ന്ന് സ്‌ഫോടനം. സംഭവത്തില്‍ ഒരു ജവാന് വീരമൃത്യു. രണ്ട് പേര്‍ക്ക് പരിക്കേല്‍ക്കുകയും ചെയ്തു. അ?ഗ്‌നിവീര്‍ ലളിത് കുമാര്‍ ആണ് വീരമൃത്യു വരിച്ചത്. കുഴി ബോംബ് പൊട്ടിത്തെറിച്ചാണ് സ്‌ഫോടനം ഉണ്ടായത്. ഇന്ന് രാവിലെയാണ് സംഭവം.
കൃഷ്ണ ?ഘാട്ടി ബ്രി?ഗേഡ് പ്രദേശത്ത് നടന്നുവന്നിരുന്ന പട്രോളിങ്ങിനിടെയാണ് സ്‌ഫോടനം ഉണ്ടായത്. പട്രോളിങ്ങിന്റെ ഭാ?ഗമായി സുരക്ഷ പരിശോധന നടത്തുന്നതിന് നിയന്ത്രണ രേഖയ്ക്ക് അടുത്തെത്തിയതായിരുന്നു ജവാന്മാര്‍. അപ്പോള്‍ അവിടെ സ്ഥാപിച്ചിരുന്ന കുഴിബോംബ് പൊട്ടിത്തെറിക്കുകയായിരുന്നു. കഴിഞ്ഞ കുറച്ചു ദിവസങ്ങളായി മേഖലയില്‍ സുരക്ഷ ശക്തമാക്കിയിരുന്നു. ?ഗുരുതരമായി പരിക്കേറ്റ ജവാന്മാരെ മിലിട്ടറി ഹോസ്പിറ്റലില്‍ പ്രവേശിപ്പിച്ചു.