ഇതൈാന്നും ആര്‍ക്കും മറികടക്കാൻ സാധിച്ചേക്കില്ല; ചരിത്ര റെക്കോഡുമായി റൊണാള്‍ഡോ
സൗദി സൂപ്പർ കപ്പ് ഫൈനലില്‍ അല് അഹ്ലിക്കെതിരെ സൂപ്പർതാരം ക്രിസ്റ്റ്യാനോ റൊണാള്‍ഡോയുടെ ടീമായ അല് നസർ തോല്‍വി ഏറ്റുവാങ്ങിയിരുന്നു.നിശ്ചിത സമയം 2-2ന് അവസാനിച്ച മത്സരം പെനാല്‍ട്ടി ഷൂട്ടൗട്ടില്‍ 3-2ന് അഹ്ലി വിജയിക്കുകയായിരുന്നു. മത്സരത്തില്‍ അല് നസറിന് വേണ്ടി ആദ്യ ഗോള്‍ നേടിയത് ക്രിസ്റ്റിയാനൊ റൊണാള്‍ഡോയാണ്. പെനാല്‍ട്ടി ലഭിച്ച റൊണാള്‍ഡോ അത് ഗോളാക്കി മാറ്റുകയായിരുന്നു.
ഗോള്‍ നേടിയതോടുകൂടി ഒരു ചരിത്രം റെക്കോഡാണ് റൊണാള്‍ഡോ സ്വന്തം പേരില്‍ കുറിച്ചത്. അല് നസറിനായുള്ള താരത്തിന്റെ നൂറാം ഗോളായിരുന്നു ഇത്. ഇതോടെ നാല് വ്യത്യസ്ത ക്ലബ്ബുകളില്‍ നിന്നും 100 ഗോള്‍ സ്വന്തമാക്കുന്ന ലോകത്തെ തന്നെ ആദ്യ താരമായി മാറിയിരിക്കുകയാണ് പോർച്ചുഗീസ് സൂപ്പർതാരം.
മാഞ്ചസ്റ്റർ യുനൈറ്റഡിന് വേണ്ടി 145 ഗോള്‍ നേടിയ റോണോ റയല്‍ മാഡ്രിഡില്‍ 450 ഗോള്‍ അടിച്ചുക്കൂട്ടിയിട്ടുണ്ട്. ഇറ്റാലിയൻ ലീഗായ സീരീ എയില്‍ യുവന്റസിന് വേണ്ടി 101 ഗോള്‍ നേടിയിട്ടുണ്ട്. ഇപ്പോഴിതാ സൗദി പ്രോ ലീഗ് ക്ലബ്ബായ അല് നസറിന് വേണ്ടിയും 100 ഗോള്‍ തികച്ചിരിക്കുകയാണ് താരം. ഇത് കൂടാതെ പോർച്ചുഗലിന് വേണ്ടി 138 ഗോളും റോണോ അടിച്ചിട്ടുണ്ട്.
പെനാല്‍ട്ടിയിലൂടെ ക്രിസ്റ്റ്യാനൊ റൊണാള്‍ഡോയാണ് മത്സരത്തിലെ ആദ്യ ഗോള്‍ നേടിയത്. എന്നാല് ഒന്നാം പകുതിയുടെ അവസാനം ഫ്രാങ്ക് കെസ്സിയിലൂടെ അല് അഹ്ലി മത്സരത്തിലേക്ക് തിരിച്ചെത്തി. 82ാം മിനിറ്റില്‍ മാഴ്സെലോ ബ്രോ സോവിക്ക് രണ്ടാം ഗോളടിച്ചുകൊണ്ട് നസറിനെ തിരിച്ചുകൊണ്ടുവന്നു. എന്നാല് 893ം മിനിറ്റില്‍ റോജർ ഇബാനെസ് അഹ്ലിക്കായി സമനില ഗോള്‍ സ്വന്തമാക്കി. ഷൂട്ടൗട്ടില്‍ 3-2ന് അഹ്ലി വിജയിക്കുകയും ചെയ്തു.
അറബ് ക്ലബ്ബ് ചാമ്ബ്യൻഷിപ്പ് കപ്പ് മാത്രമാണ് റോണോക്ക് അല് നസറിനൊപ്പം നേടാൻ സാധിച്ചത്. അതിന് മുമ്ബും ശേഷവും ഒരു ട്രോഫി നേടാൻ റോണോക്ക് സാധിച്ചില്ല. അല് നസറിനൊപ്പം ഒരു ആഭ്യന്തര കിരീടം നേടാനുള്ള റോണാള്‍ഡോയുടെ കാത്തിരിപ്പ് തുടരും.