Fincat

ഷാജി പാപ്പൻ ടൈം ട്രാവല്‍ ചെയ്യും; വമ്ബൻ സൂചനയുമായി ‘ആട് 3’ പോസ്റ്റര്‍, റിലീസ് തിയ്യതി പ്രഖ്യാപിച്ചു


പ്രേക്ഷകരെ പൊട്ടിച്ചിരിപ്പിച്ച ചിത്രമാണ് മിഥുൻ മാനുവല്‍ തോമസ് തിരക്കഥയെഴുതി സംവിധാനം ചെയ്ത് 2015-ല്‍ പുറത്തിറങ്ങിയ ‘ആട് ഒരു ഭീകരജീവിയാണ്’.2026 മാർച്ച്‌ 19-ന് ഈദ് റിലീസ് ആയാണ് ചിത്രം ആഗോള തലത്തില്‍ പ്രദർശനത്തിന് എത്തുക. ചിത്രത്തിന്റെ ഒരു പുത്തൻ പോസ്റ്ററും റിലീസ് തീയതി പുറത്ത് വിട്ട് കൊണ്ട് പുറത്ത് വിട്ടിട്ടുണ്ട്. വേണു കുന്നപ്പിള്ളി നേതൃത്വം നല്‍കുന്ന കാവ്യാ ഫിലിം കമ്ബനി, വിജയ് ബാബുവിന്റെ ഉടമസ്ഥതയിലുള്ള ഫ്രൈഡേ ഫിലിം ഹൗസ് എന്നിവർ ചേർന്നാണ് ഈ വമ്ബൻ ചിത്രം നിർമ്മിക്കുന്നത്.
ആട്-3 ഒരു ടൈം ട്രാവല്‍ ചിത്രമാകുമെന്ന വ്യക്തമായ സൂചന നല്‍കുന്ന പോസ്റ്ററാണ് പുറത്തുവിട്ടത്. ഭൂതകാലത്തിലും ഭാവികാലത്തിലും ഒപ്പം ഷാജി പാപ്പന്റേയും പിള്ളേരുടേയും കൂടെ വർത്തമാനകാലത്തിലും നില്‍ക്കുന്ന ആടിന്റെ ചിത്രമാണ് പോസ്റ്ററിലുള്ളത്. നേരത്തേ നടൻ ജയസൂര്യയ്ക്ക് പിറന്നാളാശംസിച്ചുകൊണ്ട് ആട്-3 ടീം പോസ്റ്റർ പുറത്തിറക്കിയിരുന്നു. ഇതിലും ടൈം ട്രാവല്‍ ചിത്രമാണെന്ന അവ്യക്തമായ സൂചന ഉണ്ടായിരുന്നു. ജയസൂര്യയുടെ പിറന്നാള്‍ ദിവസം പുറത്തുവന്ന രണ്ട് പോസ്റ്ററുകളും വലിയ ആവേശത്തോടെയാണ് ആരാധകർ ഏറ്റെടുത്തത്.
മലയാളത്തിലെ ഓള്‍ ടൈം ബ്ലോക്ക്ബസ്റ്റർ ഹിറ്റായ 2018, അമ്ബതു കോടി ക്ലബില്‍ ഇടം പിടിച്ച മാളികപ്പുറം, രേഖാചിത്രം തുടങ്ങിയവ നിർമ്മിച്ചിട്ടുള്ള കാവ്യാ ഫിലിം കമ്ബനി ആട് ഫ്രാഞ്ചൈസിലേക്കു കടന്ന് വന്നതോടെ ചിത്രത്തെ കുറിച്ചുള്ള പ്രതീക്ഷകള്‍ ഏറെ വർധിച്ചിട്ടുണ്ട്. നിരവധി ഗംഭീര ഹിറ്റുകള്‍ ഉള്‍പടെ 22-ഓളം ചിത്രങ്ങള്‍ നിർമ്മിച്ച ഫ്രൈഡേ ഫിലിം ഹൗസിന്റെ 23-ാമത്തെ ചിത്രമാണ് ആട് 3.
ആട് ഒരു ഭീകര ജീവിയാണ്, ആട് 2 എന്നിവയ്ക്ക് ശേഷം വമ്ബൻ ബജറ്റില്‍ ഒരുക്കുന്ന എപ്പിക്-ഫാന്റസി ചിത്രമായ ആട് 3 ചിത്രീകരണം പുരോഗമിക്കുകയാണ്. ജയസൂര്യ, വിനായകൻ, വിജയ് ബാബു, സൈജു കുറുപ്പ്, സണ്ണി വെയ്ൻ, ഇന്ദ്രൻസ് എന്നിവർ ഉള്‍പ്പെടെ വമ്ബൻ താരനിര തന്നെ ചിത്രത്തില്‍ ഒന്നിക്കുന്നു. ചിത്രത്തെ കുറിച്ചുള്ള കൂടുതല്‍ വിവരങ്ങള്‍ വൈകാതെ പുറത്തു വരും.
എക്സിക്യൂട്ടീവ് പ്രൊഡ്യൂസർ – വിനയ് ബാബു, ഛായാഗ്രഹണം – അഖില്‍ ജോർജ്ജ്, സംഗീതം – ഷാൻ റഹ്മാൻ, എഡിറ്റർ – ലിജോ പോള്‍, ലൈൻ പ്രൊഡ്യൂസർ -ഗോപകുമാർ ജി കെ, പ്രൊഡക്ഷൻ കണ്‍ട്രോളർ- ഷിബു ജി സുശീലൻ, പ്രൊഡക്ഷൻ ഡിസൈനർ അനീസ് നാടോടി, മേക്കപ്പ്- റോണെക്സ് സേവ്യർ, കോസ്റ്റ്യൂം ഡിസൈനർ സ്റ്റെഫി സേവ്യർ, ക്രിയേറ്റീവ് ഡയറക്ടർ- വിഷ്ണു ഭരതൻ, വിഎഫ്‌എക്സ് സൂപ്പർവൈസർ – ജിഷ്ണു ആർ ദേവ്, സ്റ്റില്‍ ഫോട്ടോഗ്രാഫി – വിഷ്ണു എസ് രാജൻ, പോസ്റ്റർ ഡിസൈൻസ് – കോളിൻസ് ലിയോഫില്‍, വാർത്താ പ്രചാരണം- വൈശാഖ് സി വടക്കേവീട്, ജിനു അനില്‍കുമാർ.