വനം വകുപ്പ് വാച്ചര്‍ ഇനി മുതല്‍ ഫോറസ്റ്റ് ബീറ്റ് അസിസ്റ്റൻ്റ്
തിരുവനന്തപുരം: വനം വകുപ്പിലെ ഫോറസ്റ്റ് വാച്ചർ തസ്തികയുടെ പേര് ഫോറസ്റ്റ് ബീറ്റ് അസിസ്റ്റൻ്റ് എന്ന് പുനഃനാമകരണം ചെയ്ത് സർക്കാർ ഉത്തരവായി.വകുപ്പിലെ റിസർവ് വാച്ചർ/ഡിപ്പോ വാച്ചർ തുടങ്ങി എല്ലാ വാച്ചർ തസ്തികയും ഉത്തരവിന്റെ പരിധിയില്‍ വരും.
ജീവനക്കാരുടെ സംഘടന പരിഷ്ക്കണം ആവശ്യപ്പെട്ട് നിവേദനം നല്‍കുകയും ഭരണ വിഭാഗം അഡീഷണല്‍ പ്രിൻസിപ്പല്‍ ചീഫ് ഫോറസ്റ്റ് കണ്‍സർവേറ്റർ സർക്കാരിലേക്ക് അനുകൂല ശിപാർശ നല്‍കുകയും ചെയ്തിയിരുന്നു.
നിലവിലെ ഫോറസ്റ്റ് വാച്ചറുടെ ജോലി സ്വഭാവം, ഉത്തരവാദിത്വം എന്നിവയില്‍ യാതൊരു ഇളവും വരുത്താൻ പാടില്ലെന്നും പേരു മാറ്റത്തിന്റെ അടിസ്ഥാനത്തില്‍ ഡിപ്പോ സൂക്ഷിപ്പ്, തൊണ്ടിമുതല്‍ സൂക്ഷിപ്പ് തുടങ്ങിയവയ്ക്ക് പുതിയ തസ്തികകള്‍ സൃഷ്ടിക്കാൻ പാടില്ലെന്നും പുതിയ വേതന ഘടനയ്ക്ക് ആവശ്യം ഉന്നയിക്കാൻ പാടില്ലെന്നും ഉത്തരവില്‍ വ്യവസ്ഥ ചെയ്യുന്നു.