കുളിക്കാനിറങ്ങി; ഒഴുക്കിൽപ്പെട്ട വിദ്യാർത്ഥിനിക്ക് ദാരുണാന്ത്യം

കൊച്ചി: വൈപ്പിന്‍ അഴിമുഖത്ത് ഒഴുക്കിൽപ്പെട്ട് വിദ്യാർത്ഥിനിക്ക് ദാരുണാന്ത്യം. പാലക്കാട് സ്വദേശിനി ഫായിസയാണ് മരിച്ചത്. കുളിക്കാനിറങ്ങിയപ്പോൾ ഫായിസ ഒഴുക്കിൽപ്പെടുകയായിരുന്നു.

ഇന്ന് വൈകിട്ടോടെയായിരുന്നു സംഭവം. ഒഴുക്കിൽപ്പെട്ട മറ്റൊരു വിദ്യർത്ഥിനി സിൻസിനയെ സ്ഥലത്തുണ്ടായിരുന്നവർ ചേർന്ന് രക്ഷപ്പെടുത്തി. മഹാരാജാസ് കോളേജിലെ എംഎസ്‌സി സുവോളജി വിദ്യാര്‍ത്ഥികളാണ് ഇരുവരും.