പ്രവാസി മലയാളികൾക്ക് ആശ്വാസം, ദുബൈ- തിരുവനന്തപുരം വിമാന സർവീസ് പുനരാരംഭിച്ച് എയർ ഇന്ത്യ എക്സ്‍പ്രസ്
ദുബൈ: എയർ ഇന്ത്യ എക്സ്‍പ്രസ് വിന്‍റര്‍ ഷെഡ്യൂളില്‍ ദുബൈ-തിരുവനന്തപുരം-ദുബൈ സെക്ടറില്‍ വിമാന സര്‍വീസുകള്‍ പുനഃരാരംഭിച്ചു. ഇതിന് പുറമെ അബുദാബി-തിരുവനന്തപുരം-അബുദാബി സെക്ടറിലും എയര്‍ ഇന്ത്യ എക്സ്‍പ്രസ് സര്‍വീസുകള്‍ ആരംഭിക്കും.
ഡിസംബര്‍ മൂന്ന് മുതലാണ് ഈ റൂട്ടില്‍ സര്‍വീസുകള്‍ തുടങ്ങുക. പ്രതിവാരം മൂന്ന് സര്‍വീസുകളാണ് ഈ റൂട്ടില്‍ ഉണ്ടാകുക. സര്‍വീസുകളുടെ ആഴ്ചയിലെ ഷെഡ്യൂൾ ലഭ്യമായിട്ടില്ല. യാത്രക്കാര്‍ ടിക്കറ്റ് ബുക്ക് ചെയ്യുന്നതിന് മുമ്പ് വിമാനങ്ങളുടെ സമയക്രമം സംബന്ധിച്ച വിവരങ്ങള്‍ എയര്‍ലൈന്‍റെ വെബ്സൈറ്റിലോ അംഗീകൃത ഏജന്‍റുമാര്‍ വഴിയോ പരിശോധിച്ച് ഉറപ്പാക്കണം.