സ്വര്ണവിലയില് നേരിയ വര്ധനവ്; ഇന്നത്തെ നിരക്കറിയാം
സംസ്ഥാനത്തെ സ്വര്ണവിലയില് നേരിയ വര്ധനവ്. 320 രൂപയുടെ വര്ധനവാണ് ഉണ്ടായിരിക്കുന്നത്. ഇന്ന് ഒരു പവന് സ്വര്ണത്തിന്റെ വില 89,400 രൂപയാണ്. ഒരു ?ഗ്രാം സ്വര്ണത്തിന് 11,175 രൂപയാണ് നല്കേണ്ടത്.കഴിഞ്ഞ ദിവസം ഒരു പവന് സ്വര്ണത്തിന് 89,080 രൂപയും ഒരു ?ഗ്രാമിന് 11,135 രൂപയുമായിരുന്നു വില.
ഒക്ടോബര് 21ന് സ്വര്ണവില ഈ മാസത്തെ ഉയര്ന്ന നിരക്കില് എത്തിയിരുന്നത്. 97,360 രൂപയായിരുന്നു അന്ന് ഒരു പവന് സ്വര്ണത്തിന്റെ വില. പിന്നീട് കുറഞ്ഞും കൂടിയും ഇരിക്കുകയായിരുന്നു സ്വര്ണവില. വില കൂടിയാലും കുറഞ്ഞാലും സുരക്ഷിത നിക്ഷേപമെന്ന നിലയിലാണ് ആളുകള് സ്വര്ണത്തെ കാണുന്നത്.
അതേസമയം, രാജ്യാന്തര വിപണിയില് സ്വര്ണത്തിന് വില കുറഞ്ഞാല് ഇന്ത്യയില് വില കുറയണമെന്ന് നിര്ബന്ധമില്ല. രൂപയുടെ മൂല്യം, പ്രാദേശികമായ ആവശ്യകത, ഇറക്കുമതി തീരുവ എന്നീ ഘടകങ്ങളാണ് ഇന്ത്യയിലെ സ്വര്ണവില നിശ്ചയിക്കുന്നത്.
ലോകത്തെ ഏറ്റവും വലിയ സ്വര്ണ ഉപഭോക്താക്കളാണ് ഇന്ത്യ. ഓരോ വര്ഷവും ടണ് കണക്കിന് സ്വര്ണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയില് സംഭവിക്കുന്ന ചെറിയ ചലനങ്ങള് പോലും അടിസ്ഥാനപരമായി ഇന്ത്യയിലെ സ്വര്ണവിലയില് പ്രതിഫലിക്കും.