ഈ ഭക്ഷണ സാധനങ്ങള്‍ പ്ലാസ്റ്റിക് പാത്രത്തില്‍ സൂക്ഷിക്കുമ്പോള്‍ ശ്രദ്ധിക്കണം; കാരണം ഇതാണ്
അടുക്കളയില്‍ ഏറ്റവും കൂടുതല്‍ ഉപയോഗിക്കുന്നത് പ്ലാസ്റ്റിക് പാത്രങ്ങളാണ്. പാകം ചെയ്തതും ബാക്കിവന്നതുമായ ഭക്ഷണ സാധനങ്ങള്‍ എളുപ്പത്തില്‍ പ്ലാസ്റ്റിക് പാത്രങ്ങളിലാക്കി നമ്മള്‍ സൂക്ഷിക്കാറുണ്ട്. എന്നാല്‍ എല്ലാത്തരം ഭക്ഷണ സാധനങ്ങളും പ്ലാസ്റ്റിക് പാത്രത്തില്‍ സൂക്ഷിക്കാന്‍ സാധിക്കുകയില്ല. ഈ ഭക്ഷണങ്ങള്‍ സൂക്ഷിക്കുമ്പോള്‍ ശ്രദ്ധിക്കണം. കാരണം എന്താണെന്ന് അറിയാം.
1.വെളുത്തുള്ളി, സവാള, ഔഷധ സസ്യങ്ങള്‍
അടുക്കളയില്‍ ഏറ്റവും കൂടുതല്‍ ഉപയോഗിക്കുന്ന ഭക്ഷ്യസാധനങ്ങളാണ് വെളുത്തുള്ളി, സവാള, ഔഷധ സസ്യങ്ങള്‍ തുടങ്ങിയവ. എന്നാല്‍ ഇവ പ്ലാസ്റ്റിക് പാത്രത്തില്‍ സൂക്ഷിക്കുന്നത് ഒഴിവാക്കണം. കാരണം ഇതില്‍ വായുസഞ്ചാരം ശരിയായ രീതിയില്‍ ഉണ്ടാവുകയില്ല. ഇത് ഭക്ഷണ സാധനങ്ങള്‍ പെട്ടെന്ന് കേടുവരാന്‍ കാരണമാകുന്നു.
2. പഴങ്ങള്‍
പഴങ്ങള്‍ പ്ലാസ്റ്റിക് പാത്രത്തില്‍ സൂക്ഷിക്കുമ്പോള്‍ പ്രത്യേകം ശ്രദ്ധിക്കേണ്ടതുണ്ട്. സിട്രസ് പഴങ്ങള്‍, ബെറീസ് എന്നിവയില്‍ ഈര്‍പ്പം തങ്ങി നിന്നാല്‍ പെട്ടെന്ന് കേടാകുന്നു. വായുസഞ്ചാരം കുറവായതിനാല്‍ തന്നെ പഴങ്ങള്‍ പെട്ടെന്ന് കേടുവരാനും സാധ്യതയുണ്ട്.
3. ക്ഷീര ഉത്പന്നങ്ങള്‍
ക്ഷീര ഉത്പന്നങ്ങള്‍ പ്ലാസ്റ്റിക് പാത്രത്തില്‍ സൂക്ഷിക്കുന്നത് ഒഴിവാക്കാം. കാരണം കൃത്യമായ വായുസഞ്ചാരം ഉണ്ടെങ്കില്‍ മാത്രമേ ഇവ കേടുവരാതെ ഇരിക്കുകയുള്ളു.
4. വേവിക്കാത്ത ഇറച്ചി
വേവിക്കാത്ത ഇറച്ചി പ്ലാസ്റ്റിക് പാത്രത്തില്‍ സൂക്ഷിക്കുന്നത് സുരക്ഷിതമല്ല. ഇത് ഇറച്ചി പെട്ടെന്ന് കേടുവരാന്‍ കാരണമാകുന്നു. അതിനാല്‍ തന്നെ ഇറച്ചി സുരക്ഷിതമായ രീതിയില്‍ സൂക്ഷിക്കാന്‍ ശ്രദ്ധിക്കണം.
5. ചൂടുള്ള ഭക്ഷണങ്ങള്‍
ചൂടുള്ള ഭക്ഷണങ്ങള്‍ അതുപോലെ ഫ്രിഡ്ജില്‍ സൂക്ഷിക്കുന്നത് ഒഴിവാക്കണം. ചൂട് ഉണ്ടാകുമ്പോള്‍ പ്ലാസ്റ്റിക്കില്‍ അടങ്ങിയിരിക്കുന്ന വിഷവസ്തുക്കള്‍ പുറന്തള്ളപ്പെടുകയും ഇത് ഭക്ഷണത്തില്‍ കലരുകയും ചെയ്യുന്നു. അതിനാല്‍ തന്നെ ചൂടുള്ള ഭക്ഷണങ്ങള്‍ ഒരിക്കലും പ്ലാസ്റ്റിക് പാത്രങ്ങളില്‍ സൂക്ഷിക്കരുത്.