പോക്കറ്റില്‍ നിന്ന് പണം കവര്‍ന്നു; ചോദ്യം ചെയ്തയാളെ തീകൊളുത്തി കൊല്ലാന്‍ ശ്രമം, പ്രതി പിടിയില്‍
കൊച്ചി: എറണാകുളത്ത് പോക്കറ്റില്‍ നിന്ന് പണം കവര്‍ന്നത് ചോദ്യം ചെയ്തയാളെ തീകൊളുത്തി കൊല്ലാന്‍ ശ്രമം. കൊച്ചി കടവന്ത്രയില്‍ ഇന്ന് പുലര്‍ച്ചെയാണ് കൊലപാതകശ്രമം ഉണ്ടായത്. റോഡരികില്‍ കിടന്നുറങ്ങിയ പിറവം സ്വദേശി ജോസഫിനെയാണ് കൊല്ലാന്‍ ശ്രമിച്ചത്. പെട്രോള്‍ ശരീരത്തിലേക്ക് ഒഴിച്ച് തീകൊളുത്തിയായിരുന്നു കൊലപാതകശ്രമം. സംഭവത്തില്‍ കൊച്ചി സ്വദേശി ആന്റപ്പനെ പൊലീസ് പിടികൂടി. പൊള്ളലേറ്റ ജോസഫ് ഗുരുതരാവസ്ഥയില്‍ ചികിത്സയിലാണ്.
