തിരുവനന്തപുരം ഡിസിസി പ്രസിഡന്റ് എന്‍ ശക്തന്‍ രാജിവച്ചു
തിരുവനന്തപുരം ഡിസിസി അധ്യക്ഷന്‍ എന്‍ ശക്തന്‍ രാജിവച്ചു. കെപിസിസി നേതൃത്വത്തിന് രാജിക്കത്ത് കൈമാറി. അനുനയ ചര്‍ച്ചയ്ക്ക് കെപിസിസി. ശക്തനുമായി ചര്‍ച്ച നടത്താന്‍ കെപിസിസി അധ്യക്ഷന്‍. എന്നാല്‍ കെപിസിസി നേതൃത്വം രാജി സ്വീകരിച്ചിട്ടില്ല.
താല്‍ക്കാലിക ഡിസിസി പ്രസിഡന്റ് സ്ഥാനത്തു നിന്ന് ഒഴിവാക്കണമെന്നും കെപിസിസി വൈസ് പ്രസിഡന്റ് പദവി തിരികെ വേണമെന്നും ആവശ്യപ്പെട്ട് എന്‍.ശക്തന്‍ നേതൃത്വത്തെ നേരത്തെ സമീപിച്ചിരുന്നു. പാലോട് രവി രാജിവച്ചപ്പോള്‍ 10 ദിവസത്തേക്ക് എന്നു പറഞ്ഞ് ഏല്‍പിച്ച ചുമതലയില്‍ നിന്നു 3 മാസമായിട്ടും മാറ്റാത്ത സാഹചര്യത്തിലാണ് എഐസിസി ജനറല്‍ സെക്രട്ടറി ദീപ ദാസ്മുന്‍ഷി, കെപിസിസി പ്രസിഡന്റ് സണ്ണി ജോസഫ് എന്നിവരെ ശക്തന്‍ ബന്ധപ്പെട്ടത്.
ശക്തന്‍ നിയമസഭാ തിരഞ്ഞെടുപ്പില്‍ മത്സരിക്കാന്‍ താല്‍പര്യപ്പെടുന്നുണ്ട്. തദ്ദേശ, നിയമസഭാ തിരഞ്ഞെടുപ്പില്‍ ഡിസിസി പ്രസിഡന്റിന്റേത് ജില്ലയിലാകെ പൂര്‍ണ ശ്രദ്ധ വേണ്ട ചുമതലയാണെന്നാണ് അദ്ദേഹത്തിന്റെ വാദം. ആ നിലയ്ക്ക് തന്നെക്കാള്‍ സജീവമായി ഇടപെടാന്‍ കഴിയുന്ന ഒരാള്‍ വരണം എന്ന അഭിപ്രായമാണ് നേതാക്കളെ അറിയിച്ചിരിക്കുന്നത്.