സ്‌കൂള്‍ കായിക മേളയിലെ പ്രായത്തട്ടിപ്പ് : ആധാര്‍ കാര്‍ഡ് വ്യാജം; 2 അത്‌ലറ്റുകള്‍ക്കെതിരെ നടപടി, ദേശീയ മീറ്റിന്റെ ക്യാംപില്‍ നിന്ന് ഒഴിവാക്കി
സ്‌കൂള്‍ കായിക മേളയിലെ പ്രായത്തട്ടിപ്പ് വിവാദത്തില്‍ രണ്ട് അത്‌ലറ്റുകളെ ദേശീയ സ്‌കൂള്‍ മീറ്റിനുള്ള ക്യാമ്പില്‍ നിന്ന് ഒഴിവാക്കി കേരളം. സീനിയര്‍ ആണ്‍കുട്ടികളുടെ റിലേ ടീം അംഗം പ്രേം ഓജ (തിരുനാവായ നാവാമുകുന്ദ സ്‌കൂള്‍), സബ് ജൂനിയര്‍ ആണ്‍ 100 മീറ്റര്‍ താരം സഞ്ജയ് (പുല്ലൂരാംപാറ സെന്റ് ജോസഫ് സ്‌കൂള്‍) എന്നിവരെയാണ് ഒഴിവാക്കിയത്. സംസ്ഥാന സ്‌കൂള്‍ കായികമേളയില്‍ ഇരുവരും മെഡല്‍ നേടിയിരുന്നു. ഇവരുടെ ആധാര്‍ കാര്‍ഡ് വ്യാജം എന്ന് കണ്ടെത്തിയാണ് നടപടി സ്വീകരിച്ചിരിക്കുന്നത്. ഇതര സംസ്ഥാനത്ത് നിന്നുള്ള വിദ്യാര്‍ത്ഥികളാണ് ഇവര്‍.
