മുതിര്‍ന്ന നേതാവ് കെ എ സെങ്കോട്ടയ്യന് ഇന്ന് ടിവികെയില്‍ ചേരും; വിജയ്യില്‍ നിന്ന് അംഗത്വം സ്വീകരിക്കും
ചെന്നൈ: എഐഎഡിഎംകെയില്‍ നിന്ന് പുറത്താക്കിയ മുതിര്‍ന്ന നേതാവ് കെ എ സെങ്കോട്ടയ്യന് ഇന്ന് ടിവികെയില്‍ ചേരും. രാവിലെ പത്ത് മണിക്ക് ചെന്നൈയിലേ ടിവികെ ഓഫീസില്‍ എത്തി വിജയ്യില്‍ നിന്ന് അംഗത്വം സ്വീകരിക്കും. ഇന്നലെ വിജയ്യുമായി സെങ്കോട്ടയ്യന് 2 മണിക്കൂര്‍ കൂടിക്കാഴ്ച നടത്തിയിരുന്നു. ടിവികെ സംഘടന സെക്രട്ടറി സ്ഥാനവും കോര്‍ കമ്മിറ്റി കോ ഓര്‍ഡിനേറ്റര്‍ പദവിയും സെങ്കോട്ടയ്യന് ലഭിച്ചേക്കും. 9 തവണ എംഎല്‍എ ആയിട്ടുള്ള സെങ്കോട്ടയ്യന് ജയലളിത, ഇപിഎസ് മന്ത്രിസഭാകളില്‍ അംഗം ആയിരുന്നു.
ഇന്നലെ രാവിലെ സെങ്കോട്ടയ്യനെ പാര്‍ട്ടിയില്‍ എത്തിക്കാന്‍ ഡിഎംകെയും ശ്രമം നടത്തിയിരുന്നു. മുഖ്യമന്ത്രി സ്റ്റാലിന്റെ നിര്‍ദേശപ്രകാരം ദേവസ്വം മന്ത്രി ശേഖര്‍ ബാബു എന്നിവരാണ് സെങ്കോട്ടയ്യനെ കണ്ടിരുന്നു. എംജിആറിന്റെ കാലത്ത് എഐഎഡിഎംകെ ട്രഷറര്‍ ആയിരുന്ന സെങ്കോട്ടയ്യന് 9 തവണ എംഎല്‍എ ആയിട്ടുണ്ട്.
