ഏഴഴകുള്ള തുടക്കം! ജൂനിയര്‍ ഹോക്കി ലോകകപ്പില്‍ ചിലിയെ തകര്‍ത്തെറിഞ്ഞ് ഇന്ത്യ
ജൂനിയർ ഹോക്കി ലോകകപ്പില്‍ ഇന്ത്യയ്ക്ക് തകർപ്പൻ വിജയത്തോടെ തുടക്കം. ചിലിക്കെതിരെ നടന്ന ആദ്യ മത്സരത്തില്‍ മറുപടിയില്ലാത്ത ഏഴ് ഗോളിന്റെ വമ്ബൻ വിജയമാണ് ഇന്ത്യ സ്വന്തമാക്കിയത്.ഇന്ത്യയുടെ മുൻ ഗോള്‍ കീപ്പറും മലയാളിയുമായ മലയാളി പി ആർ ശ്രീജേഷാണ് പരിശീലകൻ.
ആദ്യ പകുതിയില്‍ നാല് ഗോളുകള്‍ക്ക് മുന്നിട്ടുനിന്ന ഇന്ത്യ രണ്ടാം പകുതിയിലാണ് മൂന്ന് ഗോളുകള്‍ കൂടി നേടിയത്. റോസൻ കുജുർ, ദില്‍രാജ് സിങ് എന്നിവർ ഇന്ത്യയ്ക്ക് വേണ്ടി ഇരട്ടഗോള്‍ നേടി. അജീത് യാദവും അൻമോല്‍ എക്കയും രോഹിതും ഗോളുകള്‍ കണ്ടെത്തി.
ഇന്ന് ഒമാനെതിരെയാണ് ഇന്ത്യയുടെ രണ്ടാം മത്സരം. ഇന്നലെ നടന്ന ബി പൂളിലെ മറ്റൊരു മത്സരത്തില്‍ ഒമാനെ 4-0ത്തിന് സ്വിറ്റ്സർലാൻഡ് തോല്‍പ്പിച്ചിരുന്നു. ബി പൂളില്‍ മൂന്ന് പോയിന്റുമായി ഇന്ത്യയാണ് ഒന്നാമത്. സ്വിറ്റ്സർലാൻഡ് രണ്ടാമതാണ്.