ക്രിസ്മസ് പുതുവത്സര ആഘോഷം; ക്ഷേമ പെന്ഷന് വിതരണം ഈ മാസം 15 മുതല്
തിരുവനന്തപുരം : ക്രിസ്മസ് പുതുവത്സര ആഘോഷങ്ങള് പ്രമാണിച്ച് ഡിസംബറിലെ ക്ഷേമ പെന്ഷന് വിതരണം ഈ മാസം 15 മുതല് ആരംഭിക്കും.സാമൂഹ്യസുരക്ഷ, ക്ഷേമനിധി പെന്ഷന് ഗുണഭോക്താക്കള്ക്ക് വര്ധിപ്പിച്ച തുകയായ 2000 രൂപ വീതമാണ് ലഭിക്കുന്നത്. ഇതിനായി 1045 കോടി രൂപ അനുവദിച്ചതായി ധനകാര്യമന്ത്രി കെ എന് ബാലഗോപാല് അറിയിച്ചു.
62 ലക്ഷത്തോളം പേര്ക്കാണ് പെന്ഷന് ലഭിക്കുന്നത്. 26.62 ലക്ഷം പേരുടെ ബാങ്ക് അക്കൗണ്ടില് തുക എത്തും. മറ്റുള്ളവര്ക്ക് സഹകരണ ബാങ്കുകള് വഴി വീട്ടിലെത്തി പെന്ഷന് കൈമാറും. 8.46 ലക്ഷം പേര്ക്കുള്ള കേന്ദ്ര വിഹിതവും സംസ്ഥാന സര്ക്കാര് മുന്കൂര് അനുവദിച്ചിട്ടുണ്ട്.
