ജൂനിയര് ഹോക്കി ലോകകപ്പ്; സെമി ഫൈനലില് ജര്മനിയോട് തോറ്റ് ഇന്ത്യ
ജൂനിയര് ഹോക്കി ലോകകപ്പില് ഇന്ത്യയുടെ കിരീട സ്വപ്നം പൊളിഞ്ഞു. സെമി ഫൈനലില് ഇന്ത്യ ജര്മനിയോടു പരാജയപ്പെട്ടു.ഒന്നിനെതിരെ അഞ്ച് ഗോളുകള്ക്കാണ് ഇന്ത്യയുടെ തോല്വി.
നിലവിലെ ചാംപ്യന്മാര് കൂടിയായ ജര്മനി ഫൈനലില് സ്പെയിനിനെ നേരിടും. ആദ്യ സെമിയില് അര്ജന്റീനയെ 2-1നു പരാജയപ്പെടുത്തിയാണ് സ്പെയിന് ഫൈനലുറപ്പിച്ചത്.
മലയാളിയും ഹോക്കി ഇതിഹാസവുമായ പിആര് ശ്രീജേഷ് പരിശീലിപ്പിക്കുന്ന ടീം ടൂര്ണമെന്റില് മികച്ച പ്രകടനമാണ് പുറത്തെടുത്താണ് സെമിയിലെത്തിയത്. എന്നാല് അവസാന രണ്ടിലേക്ക് മുന്നേറാനായില്ല.
