സമ്പദ്വ്യവസ്ഥ കുതിക്കുന്നു, രൂപ കിതയ്ക്കുന്നു; എന്തുകൊണ്ട് ഈ വിരോധാഭാസം?
തുടര്ച്ചയായ പാദങ്ങളില് മൊത്ത ആഭ്യന്തര ഉല്പ്പാദനത്തിലെ (ജിഡിപി) റെക്കോര്ഡ് കുതിപ്പാണ് ഇന്ത്യന് സമ്പദ് വ്യവസ്ഥ കാഴ്ചവയ്ക്കുന്നത്. കണക്കുകള് പ്രകാരം 8.2 ശതമാനമാണ് നിലവിലെ വളര്ച്ചാനിരക്ക്. ലോകരാജ്യങ്ങള് പോലും ഇന്ത്യയുടെ ഈ കുതിപ്പിനെ അത്ഭുതത്തോടെ നോക്കിക്കാണുന്നു. എന്നാല്, ഇങ്ങനെയൊക്കെയാണെങ്കിലും രൂപയുടെ കാര്യം കഷ്ടത്തിലാണ്. ചരിത്രത്തിലാദ്യമായി ഒരു ഡോളറിന് 90 രൂപയെന്ന നിരക്കും പിന്നിട്ട് രൂപ താഴേക്ക് പതിച്ചു. രാജ്യം സാമ്പത്തികമായി ഇത്രയേറെ ശക്തിപ്പെടുമ്പോള് കറന്സിയുടെ വില മാത്രം ഇടിയുന്നത് എന്തുകൊണ്ടാണ്? അതിനുള്ള പ്രധാന കാരണങ്ങള് ഇവയാണ്:
3. വേഗത്തില് വളരുന്ന ഒരു സമ്പദ്വ്യവസ്ഥയ്ക്ക് കൂടുതല് ഇന്ധനവും, ഇലക്ട്രോണിക് സാധനങ്ങളും, യന്ത്രങ്ങളും ആവശ്യമാണ്. ഇന്ത്യ ഇവയെല്ലാം വന്തോതില് ഇറക്കുമതി ചെയ്യുന്ന രാജ്യമാണ്. ഇറക്കുമതി കൂടുമ്പോള് കൂടുതല് ഡോളര് പുറത്തേക്ക് നല്കേണ്ടി വരുന്നു. ഇത് ഡോളര് ക്ഷാമത്തിന് കാരണമാവുകയും രൂപയുടെ വില കുറയുന്നതിലേക്ക് നയിക്കുകയും ചെയ്യുന്നു. ചുരുക്കത്തില്, രാജ്യത്തിന്റെ വളര്ച്ച തന്നെ രൂപയ്ക്ക് തലവേദനയാകുന്ന സാഹചര്യമാണ് ഇപ്പോഴുള്ളത്.
4. കയ്യില് ആവശ്യത്തിന് വിദേശനാണ്യ ശേഖരമുണ്ടായിട്ടും രൂപയെ രക്ഷിക്കാന് റിസര്വ് ബാങ്ക് വലിയ തോതില് ഇടപെടുന്നില്ല എന്നൊരു പരാതിയുണ്ട്. എന്നാല്, ആഗോളതലത്തില് ഡോളര് ശക്തി പ്രാപിക്കുമ്പോള് അതിനെതിരെ നീന്തുന്നത് ബുദ്ധിമുട്ടാണ് എന്നാണ് ആര്ബിഐയുടെ നിലപാട്. രൂപയുടെ മൂല്യം വല്ലാതെ ചാഞ്ചാടാതെ നോക്കുക എന്നത് മാത്രമാണ് നിലവില് റിസര്വ് ബാങ്ക് ചെയ്യുന്നത്. സാവധാനത്തിലുള്ള മൂല്യത്തകര്ച്ച കയറ്റുമതിക്കാര്ക്ക് ഗുണകരമാണെന്ന വാദവുമുണ്ട്.
ജനങ്ങളെ എങ്ങനെ ബാധിക്കും?
വിദേശ പഠനം: വിദേശത്ത് പഠിക്കുന്ന കുട്ടികള്ക്ക് പണമയക്കാന് മാതാപിതാക്കള്ക്ക് കൂടുതല് തുക ചെലവാകും. ഫീസ്, താമസച്ചെലവ് എന്നിവ കുത്തനെ കൂടും.
