സെവൻ ആര്ട്സ് കള്ച്ചറല് ഫോറം ബഹ്റൈന്റെ 54-ാമത് ദേശീയദിനാഘോഷം സംഘടിപ്പിച്ചു
ബഹ്റൈനിലെ കലാസാംസ്കാരിക സംഘടനയായ സെവൻ ആർട്സ് കള്ച്ചറല് ഫോറം ബഹ്റൈന്റെ 54-ാമത് ദേശീയദിനം വിവിധ പരിപാടികളോടെ ആഘോഷിച്ചു.ബഹ്റൈന്റെ പൈതൃകത്തെക്കുറിച്ചും സംസ്കാരത്തെക്കുറിച്ചും പതിറ്റാണ്ടുകളായി ഇന്ത്യൻ സമൂഹത്തിന് ഈ രാജ്യം നല്കുന്ന അംഗീകാരത്തെയും സുരക്ഷയെ സംബന്ധിച്ചും ജാതിമത ഭാഷാ വ്യത്യാസങ്ങള് ഇല്ലാതെ ഇവിടുത്തെ ജനങ്ങളും ഭരണാധികാരികളും പ്രവാസികളോട് കാണിക്കുന്ന സ്നേഹവും കരുതലും സംബന്ധിച്ചും യോഗത്തില് പങ്കെടുത്തവർ എടുത്തു പറയുകയുണ്ടായി.
പ്രസിഡൻ്റ് ജേക്കബ് തേക്കുതോടിന്റെ അധ്യക്ഷതയില് കുടിയ യോഗത്തില് ആക്ടിംഗ് സെക്രട്ടറി ജയേഷ് താന്നിക്കല് സ്വാഗതവും ട്രഷറർ തോമസ് ഫിലിപ്പ് നന്ദിയും അറിയിച്ചു. ഇന്ത്യൻ സ്കൂള് എക്സിക്യൂട്ടീവ് കമ്മിറ്റി മെമ്ബർ ബിജു ജോർജ് ഉദ്ഘാടന പ്രസംഗം നടത്തുകയുണ്ടായി. സെവൻ ആർട്സ് ചെയർമാൻ മനോജ് മയ്യന്നൂർ, സാമൂഹിക പ്രവർത്തകനായ ഇ.വി രാജീവൻ, സോവിച്ചൻ ചേനാട്ടുശ്ശേരി, അബ്ദുല് മൻഷീർ, സയ്യിദ് ഹനീഫ്, ജ്യോതിഷ് പണിക്കർ, ഡോ ശ്രീദേവി, വി സി ഗോപാലൻ, അജിത് കുമാർ, സല്മാൻ ഫാരിസ്, എബി തോമസ്, മനോജ് പീലിക്കോട്, വിപിൻ മാടത്തേത്, ബോബി പുളിമൂട്ടില്, അൻവർ നിലമ്ബൂർ, സുഭാഷ് അങ്ങാടിക്കല്, ഷമീർ സലിം, സിബി അടൂർ, വിനോദ് ആറ്റിങ്ങല്, ലേഡീസ് വിങ് പ്രസിഡൻ്റ് അഞ്ചു സന്തോഷ്, കോഡിനേറ്റർ മുബീന മൻഷീർ, എന്റർടൈൻമെന്റ് ജോയിൻ സെക്രട്ടറി അഞ്ജന വിനീഷ്, ദീപ്തി റിജോയ്, സുനി ഫിലിപ്പ്, ഷൈജു ഓലഞ്ചേരി, തുടങ്ങിയവർ ആശംസകള് നേർന്നുകൊണ്ട് സംസാരിച്ചു.
