നാളെ മുതല് കേരള എക്സ്പ്രസ് അടക്കം ഈ ട്രെയിനുകള്ക്ക് പുതിയ സമയക്രമം, മാറ്റങ്ങള് അറിയാം
കോട്ടയം: റെയില്വേയുടെ പുതിയ സമയക്രമം നാളെമുതല് പ്രാബല്യത്തില് വരും. ബെംഗളൂരു-എറണാകുളം ഇന്റർസിറ്റി വൈകിട്ട് 4.55നു പകരം 5.05നാണ് എറണാകുളത്ത് എത്തുന്നത്.തിരുവനന്തപുരം- സിക്കന്ദരാബാദ് ശബരി എക്സ്പ്രസ് 30 മിനിറ്റ് നേരത്തേ രാവിലെ 10.40ന് എറണാകുളം ടൗണിലെത്തും. തിരുവനന്തപുരത്തുനിന്നു പുറപ്പെടുന്ന സമയത്തില് മാറ്റമില്ല. ചെങ്കോട്ട വഴിയുള്ള കൊല്ലം- ചെന്നൈ എക്സ്പ്രസ് ഒന്നര മണിക്കൂർ നേരത്തേ രാവിലെ 6.05ന് ചെന്നൈ താംബരത്ത് എത്തും.
ന്യൂഡല്ഹി- തിരുവനന്തപുരം കേരള എക്സ്പ്രസ് 20 മിനിറ്റ് നേരത്തേ വൈകിട്ട് 4.30ന് എറണാകുളം ടൗണിലെത്തും. ഇടസ്റ്റേഷനുകളിലെ സമയങ്ങളില് ചെറിയ വ്യത്യാസമുണ്ടെങ്കിലും തിരുവനന്തപുരത്ത് എത്തുന്ന സമയത്തില് മാറ്റമില്ല.
വൈഷ്ണോദേവി കട്ര- കന്യാകുമാരി ഹിമസാഗർ വീക്ലി എക്സ്പ്രസ് രാത്രി 8.25ന് പകരം 7.25ന് തിരുവനന്തപുരത്ത് എത്തും. മറ്റു സ്റ്റേഷനുകളിലെ സമയത്തിലും മാറ്റമുണ്ട്. ചെന്നൈ- ഗുരുവായൂർ എക്സ്പ്രസ് രാവിലെ 10.20നു പകരം 10.40ന് ചെന്നൈ എഗ്മോറില്നിന്നു പുറപ്പെടും.