പുതുവത്സര ആഘോഷങ്ങളുമായി ബഹ്റൈൻ കൊല്ലം പ്രവാസി അസോസിയേഷൻ
ബഹ്റൈൻ കൊല്ലം പ്രവാസി അസോസിയേഷൻ ബുദൈയ ഏരിയ കമ്മിറ്റിയുടെ നേതൃത്വത്തില് തൊഴിലാളികള്ക്കൊപ്പം ജനബിയയിലെ ഒരു ലേബർ ക്യാമ്ബില് സ്നേഹസംഗമം 2026 എന്ന പേരില് പുതുവത്സ ആഘോഷങ്ങള് സംഘടിപ്പിച്ചു.കെ പി എ പ്രസിഡന്റ് അനോജ് മാസ്റ്റർ സ്നേഹസംഗമം 2026 ഉദ്ഘാടനം ചെയ്തു. ബുദൈയ ഏരിയ പ്രസിഡന്റ് വിജോ വിജയൻ അധ്യക്ഷത വഹിച്ച പരിപാടിയില് ഏരിയ സെക്രട്ടറി നിസാം സ്വാഗതമാശംസിച്ചു.
കെപിഎ ജനറല് സെക്രട്ടറി പ്രശാന്ത് പ്രബുദ്ധൻ മുഖ്യപ്രഭാഷണം നടത്തി. കെപിഎ വൈസ് പ്രസിഡന്റ് കോയിവിള മുഹമ്മദ് കുഞ്ഞ്, കെപിഎ സെക്രട്ടറി അനില്കുമാർ കെപിഎ ട്രഷറർ മനോജ് ജമാല്, ഏരിയ കോഡിനേറ്റർ ജോസ് മങ്ങാട്, ഏരിയ ജോയിൻ സെക്രട്ടറി പ്രിൻസ് ജി എന്നിവർ ആശംസകള് അറിയിച്ചു. ഏരിയ ട്രഷറർ ബിജു ഡാനിയല് നന്ദി രേഖപ്പെടുത്തി.
കെപിഎ സെൻട്രല് കമ്മിറ്റി അംഗങ്ങളും ഡിസ്റ്റിക് കമ്മിറ്റി അംഗങ്ങളും പരിപാടിയില് പങ്കെടുത്തു. നിരവധി തൊഴിലാളികള് ഈ പരിപാടിയില് പങ്കെടുക്കുകയും അവരുടെ സന്തോഷം പങ്കുവയ്ക്കുകയും ചെയ്തു. തുടർന്ന് പുതുവർഷാഘോഷവും സ്നേഹ സദ്യയും നടന്നു.