മഴ പെയ്താല് പണി കിട്ടുക ഇന്ത്യയ്ക്ക്; ഇന്ത്യ- സിംബാബ്വെ സൂപ്പര് 8 മത്സരത്തിന്റെ കാലാവസ്ഥ പ്രവചനം
ടി20 ലോകകപ്പ് സൂപ്പര് 8ല് സിംബാബ്വെയ്ക്കെതിരെ മികച്ച വിജയം സ്വന്തമാക്കിയ ഇന്ത്യക്ക് അടുത്ത മത്സരത്തില് വെസ്റ്റ് ഇന്ഡീസിനെ വീഴ്ത്തിയാല് സെമിയിലേക്ക് മുന്നേറാം.മാര്ച്ച് ഒന്നിനാണ് ഇന്ത്യ- വെസ്റ്റ് ഇന്ഡീസ് പോരാട്ടം. ഇതില് ജയിച്ചാല് ഇന്ത്യക്ക് സെമിയുറപ്പിക്കാം. എന്നാല് മഴ പെയ്ത് ഒരു പന്ത് പോലും എറിയാതെ മത്സരം ഉപേക്ഷിച്ചാല് ഇന്ത്യ പുറത്താകും. വെസ്റ്റ് ഇന്ഡീസ് സെമിയിലെത്തുകയും ചെയ്യും. കാരണം നെറ്റ് റണ്റേറ്റില് നിലവില് വിന്ഡീസ് തന്നെയാണ് മുന്നില്. ഇന്ത്യയുടെ നെറ്റ് റണ്റേറ്റ് നെഗറ്റീവില് തന്നെ നില്ക്കുന്നു.
ദക്ഷിണാഫ്രിക്കയ്ക്കെതിരായ പോരാട്ടത്തില് വിന്ഡീസ് കനത്ത തോല്വി വഴങ്ങിയിരുന്നു. അവരുടെ നെറ്റ് റണ്റേറ്റ് +5.350ല് നിന്നു +1.791 ആയി കുത്തനെ ഇടിഞ്ഞെങ്കിലും അപ്പോഴും അവര്ക്ക് രണ്ടാം സ്ഥാനം കൈവിടേണ്ടി വന്നില്ല. – 0.100 ആണ് ഇന്ത്യയുടെ നിലവിലെ നെറ്റ് റണ് റേറ്റ്.
സിംബാബ്വെക്കെതിരെ 4 വിക്കറ്റ് നഷ്ടത്തില് 256 റണ്സെന്ന കൂറ്റന് സ്കോര് ഉയര്ത്തിയ ഇന്ത്യക്ക് അവരെ 101 റണ്സിനെങ്കിലും ഓള് ഔട്ടാക്കിയാല് വിന്ഡീസിനെ മറികടന്ന് നെറ്റ് റണ്റേറ്റില് മുന്നിലെത്താന് സാധിക്കുമായിരുന്നു.
151 റണ്സിന്റേയെങ്കിലും വിജയമുണ്ടങ്കില് ഇന്ത്യക്ക് നെറ്റ് റണ്റേറ്റില് വിന്ഡീസിനെ മറികടന്ന് രണ്ടാം സ്ഥാനത്തെത്താമായിരുന്നു. എന്നാല് ഇന്ത്യയ്ക്ക് അതിന് സാധിച്ചില്ല.
