ബുള്ളറ്റ് ട്രെയിനില് 1,25000 രൂപ ശമ്പളത്തില് ജോലി വേണോ? 224 തൊഴിലവസരങ്ങള്, അപേക്ഷിക്കേണ്ടത് എങ്ങനെ?
ന്യൂ ഡല്ഹി: ഇന്ത്യയിലെ ആദ്യ ബുള്ളറ്റ് ട്രെയിൻ കുതിക്കാനൊരുങ്ങുന്ന മുംബൈ – അഹമ്മദാബാദ് ഹൈസ്പീഡ് റെയില് ഇടനാഴിയുടെ നിർമാണത്തിന് ചുക്കാൻ പിടിക്കുന്ന ഏജൻസിയായ നാഷണല് ഹൈ സ്പീഡ് റെയില് കോർപറേഷൻ ലിമിറ്റഡ് (എൻഎച്ച്എസ്ആർസിഎല്) തൊഴിലവസരങ്ങള് പ്രഖ്യാപിച്ചു.
സാങ്കേതിക, പ്രവർത്തന, മാനേജീരിയല് തസ്തികകളിലായി 224 തസ്തികളിലേക്കാണ് നിയമനം.
എൻഎച്ച്എസ്ആർസിഎല് പുറപ്പെടുവിച്ച റിക്രൂട്ട്മെന്റ് വിജ്ഞാപനം അനുസരിച്ച് രാജ്യത്തെ ആദ്യ ബുള്ളറ്റ് ട്രെയിൻ പദ്ധതിയുടെ വികസനത്തെ പിന്തുണയ്ക്കുന്നതിനുള്ള ശ്രമങ്ങളുടെ ഭാഗമാണ് ഒഴിവ് നികത്തല്. എക്സിക്യൂട്ടീവ് – നോണ്-എക്സിക്യൂട്ടീവ് റോളുകളിലായി 224 ഒഴിവുകളുണ്ട്. റിക്രൂട്ട്മെന്റ് ഡ്രൈവില് 209 നോണ് – എക്സിക്യൂട്ടീവ് തസ്തികകളും 15 എക്സിക്യൂട്ടീവ് തസ്തികകളും ഉള്പ്പെടെ ആകെ 224 തസ്തികകള് ഉള്പ്പെടുന്നുണ്ട്.
ജൂനിയർ എൻജിനീയർ, സ്റ്റേഷൻ / ട്രെയിൻ മാനേജർ, ഡിപ്പോ / ഓപ്പറേഷൻസ് കണ്ട്രോളർ, ഇൻഫർമേഷൻ ടെക്നോളജി (ഐടി), സുരക്ഷ ഉള്പ്പെടെയുള്ള വിഭാഗങ്ങളിലേക്കാണ് നിയമനം. സിവില്, ട്രാക്ക്, ഇലക്ട്രിക്കല്, സിഗ്നലിങ്, ടെലികോം (എസ് & ടി), റോളിങ് സ്റ്റോക്ക്, ഓട്ടോമാറ്റിക് ഫെയർ കളക്ഷൻ (എഎഫ്സി) എന്നിവയുള്പ്പെടെ നിരവധി വിഭാഗങ്ങളില് ജൂനിയർ എൻജീനിയർ ഒഴിവുകള് ലഭ്യമാണ്.
സ്റ്റേഷൻ / ട്രെയിൻ മാനേജർ തസ്തികകളിലേക്ക് 55 ഒഴിവുകളും ഡിപ്പോ / ഓപ്പറേഷൻസ് കണ്ട്രോളർ തസ്തികകളിലേക്ക് അഞ്ച് ഒഴിവുകളും എൻഎച്ച്എസ്ആർസിഎല് പ്രഖ്യാപിച്ചു.
അപേക്ഷാ പ്രക്രിയയും അവസാന തീയതികളും
അപേക്ഷാ പ്രക്രിയ പൂർണ്ണമായും ഓണ്ലൈനാണ്, താല്പ്പര്യമുള്ള ഉദ്യോഗാർഥികള് എൻഎച്ച്എസ്ആർസിഎല്ലിന്റെ ഔദ്യോഗിക വെബ്സൈറ്റ് വഴി അപേക്ഷിക്കണം.
അപേക്ഷ സമർപ്പിക്കാനുള്ള അവസാന തീയതികള്
എക്സിക്യൂട്ടീവ് തസ്തികകള്: ജൂലൈ 9, 2026
നോണ് – എക്സിക്യൂട്ടീവ് തസ്തികകള്: ജൂലൈ 14, 2026
യോഗ്യതാ മാനദണ്ഡം
വിജ്ഞാപന പ്രകാരം അപേക്ഷകർക്ക് 2026 മെയ് 31ന് 45 വയസ്സ് കവിയാൻ പാടില്ല.
റെയില്വേ, മെട്രോ അല്ലെങ്കില് റീജിയണല് റാപ്പിഡ് ട്രാൻസിറ്റ് സിസ്റ്റം (RRTS) പദ്ധതികളുമായി ബന്ധപ്പെട്ട ഓപ്പറേഷൻ, മെയിന്റനൻസ് പ്രവർത്തനങ്ങളില് കുറഞ്ഞത് മൂന്ന് വർഷത്തെ പരിചയം ഉണ്ടായിരിക്കണം.
കൂടാതെ, അപേക്ഷിക്കുന്ന തസ്തികയെ ആശ്രയിച്ച്, അപേക്ഷകർക്ക് ബന്ധപ്പെട്ട വിഷയത്തില് മൂന്ന് വർഷത്തെ ഡിപ്ലോമയോ BE/BTech ബിരുദമോ ഉണ്ടായിരിക്കണം.
തെരഞ്ഞെടുപ്പ് പ്രക്രിയ
മള്ട്ടി – സ്റ്റേജ് റിക്രൂട്ട്മെന്റ് പ്രക്രിയയിലൂടെയാണ് ഉദ്യോഗാർഥികളെ തെരഞ്ഞെടുക്കുന്നത്:
കമ്പ്യൂട്ടർ അധിഷ്ഠിത ടെസ്റ്റ് (CBT)
ഡോക്യുമെന്റ് വെരിഫിക്കേഷൻ
മെഡിക്കല് പരീക്ഷ
എല്ലാ ഘട്ടങ്ങളും വിജയകരമായി വിജയിക്കുന്നവരെ മാത്രമേ അന്തിമ നിയമനത്തിനായി പരിഗണിക്കൂ.
ശമ്പളവും ആനുകൂല്യങ്ങളും
തെരഞ്ഞെടുക്കപ്പെടുന്ന ഉദ്യോഗാർഥികള്ക്ക് ഇൻഡസ്ട്രിയല് ഡിയർനെസ് അലവൻസ് (IDA) ശമ്പള ഘടന പ്രകാരം ശമ്പളം ലഭിക്കും.
തസ്തിക അനുസരിച്ച് 40,000 രൂപ മുതല് 1,25,000 രൂപ വരെ ശമ്പളം ലഭിക്കും.
അധിക ആനുകൂല്യങ്ങള്ക്ക് അർഹതയുണ്ടായിരിക്കും.
വീട് വാടക അലവൻസ് (HRA).
മെഡിക്കല് സൗകര്യങ്ങള്.
മറ്റ് അനുവദനീയമായ അലവൻസുകളും ആനുകൂല്യങ്ങളും.
തെരഞ്ഞെടുക്കപ്പെട്ട ഉദ്യോഗാർഥികള് കുറഞ്ഞത് നാല് വർഷത്തേക്ക് സേവനമനുഷ്ഠിക്കണമെന്ന് ആവശ്യപ്പെട്ട് NHSRCL 3 ലക്ഷം രൂപയുടെ സുരക്ഷാ ബോണ്ടും നിശ്ചയിച്ചിട്ടുണ്ട്.