ലൈംഗിക ബന്ധത്തിനിടെ 66കാരന്‍ മരിച്ചു; രഹസ്യകാമുകി 7.5 ലക്ഷം രൂപ നഷ്ടപരിഹാരം നല്‍കാന്‍ കോടതി നിര്‍ദേശം
ഭാര്യയുടെയും ഭര്‍ത്താവിന്റെയും വിവാഹേതര ബന്ധത്തിന്റെ നിരവധി വാര്‍ത്തകള്‍ മിക്ക ദിവസങ്ങളിലും മാധ്യമങ്ങളില്‍ വരാറുണ്ട്. എന്നാല്‍ ചൈനയില്‍ നിന്ന് റിപ്പോര്‍ട്ട് ചെയ്ത ഒരു സംഭവമാണ് ഇപ്പോള്‍ ശ്രദ്ധ നേടുന്നത്. വിവാഹിതനായ 66 വയസ്സുള്ളയാള്‍ രഹസ്യമായി തുടര്‍ന്ന പ്രണയബന്ധം പെട്ടെന്ന് ദുരന്തത്തിലേക്ക് നയിച്ച സംഭവമാണ് റിപ്പോര്‍ട്ട് ചെയ്യപ്പെട്ടത്.
വിവാഹിതനായ 66കാരന്‍ ഒരു പ്രണയത്തിലായതിന് ശേഷം കാമുകിയുമൊത്ത് ഹോട്ടലില്‍ താമസിക്കുന്നത് പതിവായിരുന്നുവെന്ന് സൗത്ത് ചൈന മോണിംഗ് പോസ്റ്റിന്റെ റിപ്പോര്‍ട്ടില്‍ പറയുന്നു. എന്നാൽ അപ്രതീക്ഷിതമായി അദ്ദേഹത്തിന്റെ മരണം സംഭവിക്കുന്നത് വരെ അദ്ദേഹത്തിന്റെ കുടുംബത്തിന് അദ്ദേഹം എവിടെയാണെന്ന് അറിയില്ലായിരുന്നു.
രഹസ്യകാമുകിയുമൊത്ത് ഹോട്ടലില്‍ മുറിയെടുത്ത് താമസിക്കുന്നതിനിടെ 66കാരന്‍ അപ്രതീക്ഷിതമായി മരിക്കുകയും അത് കടുത്ത പ്രതിസന്ധിയിലേക്ക് നയിക്കുകയുമായിരുന്നു. രഹസ്യ ബന്ധങ്ങളില്‍ ഒളിഞ്ഞിരിക്കുന്ന അപകടസാധ്യകളെയും അവ വരുത്തിവയ്ക്കുന്ന അപ്രതീക്ഷിത പ്രത്യാഘാതങ്ങളെയും എടുത്തുകാണിക്കുന്നതാണ് സംഭവം.