സമാന്തയും രാജ് നിദിമോരുവും വിവാഹിതരായെന്ന് റിപ്പോര്ട്ട്; ‘പങ്കെടുത്തത് 30 പേര് മാത്രം’
നടി സമാന്തയും സംവിധായകന് രാജ് നിദിമോരുവും വിവാഹിതരായതായി റിപ്പോര്ട്ട്. ഇന്ന് രാവിലെ കോയമ്പത്തൂരില് വച്ചായിരുന്നു വിവാഹമെന്നും ഏറ്റവും അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങില് പങ്കെടുത്തതെന്നും മാധ്യമങ്ങള് റിപ്പോര്ട്ട് ചെയ്യുന്നു. കോയമ്പത്തൂര് ഇഷ യോഗ സെന്ററിലെ ലിംഗ ഭൈരവി ക്ഷേത്രത്തില് വച്ചായിരുന്നു വിവാഹമെന്നും 30 പേര് മാത്രമാണ് ചടങ്ങില് പങ്കെടുത്തതെന്നും ഹിന്ദുസ്ഥാന് ടൈംസ് റിപ്പോര്ട്ട് ചെയ്യുന്നു. ചുവപ്പ് നിറത്തിലുള്ള സാരിയാണ് സമാന്ത ധരിച്ചതെന്നും അടുത്ത വൃത്തങ്ങളെ ഉദ്ധരിച്ച് ഇതേ റിപ്പോര്ട്ടില് പറയുന്നുണ്ട്.
2023 ല് എത്തിയ ഖുഷി ആണ് സമാന്ത നായികയായി അവസാനം തിയറ്ററുകളിലെത്തിയ ചിത്രം. വിജയ് ദേവരകൊണ്ട ആയിരുന്നു ഈ ചിത്രത്തിലെ നായകന്. ഈ വര്ഷം മെയ് മാസത്തില് പുറത്തെത്തിയ തെലുങ്ക് ഹൊറര് കോമഡി ചിത്രം ശുഭത്തില് സമാന്ത അതിഥി വേഷത്തില് എത്തിയിരുന്നു. അതേസമയം വിവാഹ ചിത്രങ്ങള്ക്കായുള്ള കാത്തിരിപ്പിലാണ് ആരാധകര്.