സിനിമാ ടിക്കറ്റ് നിരക്ക് വര്ധിപ്പിച്ചേക്കും; 5 മുതല് 15 രൂപ വരെ വര്ധിക്കാൻ സാധ്യത
സംസ്ഥാനത്ത് സിനിമാ ടിക്കറ്റ് നിരക്ക് വർധിപ്പിച്ചേക്കും. ടിക്കറ്റ് നിരക്കില് 5 മുതല് 15 രൂപ വരെ വർധിക്കാനാണ് സാധ്യത.സർവീസ് ചാർജും സെസും പരിഷ്കരിക്കുന്നതിന് നിയോഗിച്ച സമിതി ഈയാഴ്ച റിപ്പോർട്ട് സർക്കാരിന് കൈമാറും.
സെസ് തുക നിലവിലെ സാഹചര്യത്തിനനുസരിച്ച് വർധിപ്പിക്കണമെന്നാണ് സമിതിയുടെ വിലയിരുത്തല്. സർവീസ് ചാർജ് പുതുക്കാൻ നേരത്തേ തന്നെ ധാരണയായിരുന്നു. സെസ് തുക വർധിപ്പിക്കുന്നതിലൂടെ ലഭിക്കുന്ന വരുമാനം കലാകാരന്മാരുടെ ക്ഷേമത്തിന് വിനിയോഗിക്കാനാണ് തീരുമാനം. ഭേദഗതി കൂടാതെ ശുപാർശ അംഗീകരിക്കാനാണ് സാധ്യത.
