റൊണാള്‍ഡോയുമായുള്ള തര്‍ക്കത്തില്‍ ഇടപ്പെട്ട് പോര്‍ച്ചുഗീസ് അതോറിറ്റി; കോച്ചിനെതിരെ അച്ചടക്കനടപടി വന്നേക്കും
ക്രിസ്റ്റിയാനോ റൊണാള്‍ഡോയുമായുള്ള തര്‍ക്കത്തില്‍ പോര്‍ച്ചുഗല്‍ ദേശീയ ടീം കോച്ച് ജോര്‍ജ്ജ് ജീസസ് അച്ചടക്കനടപടി നേരിടേണ്ടി വരുമെന്ന് റിപ്പോര്‍ട്ട്. യുവേഫ നേഷന്‍സ് ലീഗ് ക്യാമ്പില്‍ നിന്ന് റൊണാള്‍ഡോ ഇറങ്ങിപ്പോയത് വലിയ വിവാദമായതിന് പിന്നാലെയാണ് ദേശീയ പരിശീലകനെതിരെ നടപടി ഉണ്ടായേക്കുമെന്ന വിവരം പോര്‍ച്ചുഗീസ് മീഡിയ ഔട്ട്‌ലെറ്റ് വക്താവ് ഉദ്ധരിച്ച് പുറത്തുവന്നിരിക്കുന്നത്. ദേശീയ ടീം പരിശീലകനെന്ന നിലയില്‍ ടീമിനെ മൈതാനത്ത് നയിക്കുന്ന കളിക്കാരനായിട്ട് പോലും ജോര്‍ജ് ജീസസ് ക്രിസ്റ്റിയാനോ റൊണാള്‍ഡോയോടുള്ള പെരുപമാറ്റം പക്വത നിറഞ്ഞതായിരുന്നില്ലെന്ന കാര്യം പോര്‍ച്ചുഗീസ് ഫുട്‌ബോള്‍ അതോറിറ്റി നിരീക്ഷിച്ചിരുന്നു. അനുചിതമായ പെരുമാറ്റം വളരെ സീനിയര്‍ ആയ ഒരു കോച്ചില്‍ നിന്നും കളിക്കാരനില്‍ നിന്നും ഉണ്ടാകാന്‍ പാടില്ലാത്തതായിരുന്നുവെന്ന് കമ്മിറ്റി നിരീക്ഷിച്ചു. അതേ സമയം ഔപചാരികമായി പരാതി നല്‍കിയെങ്കില്‍ മാത്രമേ ജീസസിന്റെ പ്രവര്‍ത്തനങ്ങള്‍ അവലോകനം ചെയ്ത് നടപടിയിലേക്ക് പോകൂവെന്ന് പോര്‍ച്ചുഗീസ് മാധ്യമങ്ങള്‍ റിപ്പോര്‍ട്ട് ചെയ്യുന്നു.
യുവേഫ നാഷന്‍സ് ലീഗില്‍ ഡെന്‍മാര്‍ക്കുമായുള്ള മത്സരത്തിന് മുന്നോടിയായി കോപ്പന്‍ഹേഗനിലെ ക്യാമ്പില്‍ പങ്കെടുത്തുകൊണ്ടിരിക്കെയായിരുന്നു പരിശീലകന്‍ ജോര്‍ജ് ജീസസും ക്രിസ്റ്റിയാനോയും തര്‍ക്കമുണ്ടായത്. റൊണാള്‍ഡോ വര്‍ഷങ്ങളായി ധരിക്കാറുള്ള ഏഴാം നമ്പര്‍ ജഴ്‌സി താരത്തില്‍ നിന്ന് മാറ്റി യുവതാരമായ റാഫേല്‍ ലിയാവോക്ക് നല്‍കിയത് റൊണാള്‍ഡോ എതിര്‍ത്തതോടെയാണ് പ്രശ്‌നം രൂക്ഷമായത്. സംഭവത്തിനൊടുവില്‍ റൊണാള്‍ഡോ ക്യാമ്പില്‍ നിന്നിറങ്ങി പോരുകയായിരുന്നു. ഡെന്‍മാര്‍ക്ക്-പോര്‍ച്ചുഗല്‍ മത്സരത്തില്‍ റാഫേല്‍ ലിയാവോ തന്നെയായിരുന്നു ഏഴാം നമ്പര്‍ ജഴ്‌സി അണിഞ്ഞിരുന്നത്.