യുഎഇയിലെ ഫുജൈറയിൽ ഭൂചലനം

യു എ ഇ: ഫുജൈറയിലെ രണ്ടിടങ്ങളിലായായിരുന്നു ഭൂചലനം അനുഭവപ്പെട്ടതെന്ന് ‘നാഷണൽ സീസ്മിക് നെറ്റ്‌വർക്ക് ഓഫ് ദി നാഷണൽ സെന്റർ ഓഫ് മേറ്ററോളജി'(എൻ.സി.എം) യുടെ റിപ്പോർട്ടിൽ പറയുന്നു.

എൻ.സി.എം സോഷ്യൽ മീഡിയയിൽ പങ്കുവെച്ച കുറിപ്പ്..

ആദ്യത്തെ ഭൂചലനം ഇന്ന് രാവിലെ 4.54ഓടെ ദിബ്ബ അൽ ഫുജൈറയിലാണ് അനുഭവപ്പെട്ടത്. റിക്ടർ സ്കെയിൽ 3.1 തീവ്രത രേഖപ്പെടുത്തിയ ഭൂചലനം 5 കിലോമീറ്റർ ആഴത്തിലായിരുന്നു സംഭവിച്ചത്.

റിക്ടർ സ്കെയിലിൽ 2.3 തീവ്രത രേഖപ്പെടുത്തിയ രണ്ടാമത്തെ ഭൂചലനം രാവിലെ 7.24ഓടെയാണ് രേഖപ്പെടുത്തിയത്.

രണ്ട് ഭൂചലനങ്ങൾ അനുഭവപ്പെട്ടെങ്കിലും കാര്യമായ നാശനഷ്ടങ്ങളോ ആളപായമോ റിപ്പോർട്ട് ചെയ്തിട്ടില്ല.