കെഎസ്ടിഎ സംസ്ഥാന വ്യാപകമായി തദ്ദേശ സ്വയംഭരണ സ്ഥാപനങ്ങളിലേക്ക് പൾസ് ഓക്സീ മീറ്റർ വിതരണം ചെയ്തു.
തിരൂർ: കെഎസ്ടിഎ നേതൃത്വത്തിൽ സംസ്ഥാന വ്യാപകമായി വിവിധ തദ്ദേശ സ്വയംഭരണ സ്ഥാപനങ്ങളിലേക്ക് ഒരു കോടി രൂപയുടെ പൾസ് ഓക്സീ മീറ്റർ വിതരണം ചെയ്തു.
തിരൂർ ഉപജില്ലാ കമ്മറ്റിയുടെ നേതൃത്വത്തിൽ തിരുർ നഗരസഭ, തലക്കാട് ,വെട്ടം, മംഗലം, പുറത്തൂർ, തൃപ്രങ്ങോട്, തിരുന്നാവായ പഞ്ചായത്തുകൾക്കുമായി 160 പൾസ് ഓക്സീ മീറ്റർ വിതരണം ചെയ്തു. പരിപാടിയുടെ തിരൂർ ഉപജില്ലാ തല വിതരണ ഉദ്ഘാടനം വെട്ടം ഗ്രാമ പഞ്ചായത്ത് പ്രസിഡൻറ് നൗഷാദ് നെല്ലാഞ്ചേരി നിർവഹിച്ചു. വി അബ്ദു സിയാദ്, ഇ ബി അജിത ,കെ സുനിൽ കുമാർ, സുശീൽ കുമാർ ,എ ശശി, കാർത്യായനി ,പി സുർജിത് എന്നിവർ നേതൃത്വം നൽകി.