ഷോക്കേറ്റ് ദമ്പതിമാർ അടക്കം മൂന്ന് പേർ മരിച്ചു.

കൊല്ലം: കൊല്ലത്ത് ഷോക്കടിച്ച് ദമ്പതിമാർ അടക്കം മൂന്ന് പേർ മരിച്ചു. കൊല്ലം അഞ്ചാലുംമൂടിനടുത്ത് പ്രാക്കുളത്താണ് അപകടം നടന്നത്. ദമ്പതികളായ സന്തോഷ് (48) റംല (40) അയൽവാസി ശ്യാംകുമാർ (35) എന്നിവരാണ് മരിച്ചത്. വീട്ടിലെ ഇലക്ട്രോണിക് ഉപകരണം നന്നാക്കാനുള്ള ശ്രമത്തിനിടെയാണ് റംലയ്ക്ക് ഷോക്കേറ്റത് .

റംലയെ രക്ഷിക്കാൻ ശ്രമിക്കുന്നതിനിടെ സന്തോഷിനും ഷോക്കേറ്റു. ബഹളം കേട്ട് ഇരുവരെയും രക്ഷിക്കാനെത്തിയപ്പോഴാണ് അയൽവാസിയായ ശ്യാംകുമാറിനും വൈദ്യുതാഘാതം ഏറ്റത്. മൂന്ന് പേരുടെയും മരണം നാടിനെ അഗാധമായ ദുഖത്തിലാഴ്ത്തി.