പിരിവിനെന്ന വ്യാജേന വീട്ടിലെത്തിയ യുവാവ്‌ വീട്ടുമുറ്റത്ത്‌ നിര്‍ത്തിയിട്ട ബുള്ളറ്റുമായി കടന്നു
മലപ്പുറം: സഹായഭ്യര്‍ഥനയുമായി പിരിവിനെന്ന വ്യാജേന വീട്ടിലെത്തിയ യുവാവ്‌ വീട്ടുമുറ്റത്ത്‌ നിര്‍ത്തിയിട്ട ബുള്ളറ്റുമായി കടന്നു. പുളിക്കല്‍ കണ്ണംവെട്ടിക്കാവ്‌ പി.കെ മുഹമ്മദ്‌ ഷഫീഖിന്റെ ഉടമസ്‌ഥതിയിലുള്ള കെ.എല്‍ 10 എ.വൈ 2976 എന്‍ഫില്‍ഡ്‌ ബുള്ളറ്റാണ്‌ കളവ്‌ പോയത്‌. ശനിയാഴ്‌ച വൈകുന്നേരമാണ്‌ സംഭവം.
പുളിക്കല്‍ സിയാംകണ്ടത്തുള്ള സുഹൃത്തിന്റെ വീട്ടിലെത്തിയ ശഫീഖ്‌ ബൈക്ക്‌ നിര്‍ത്തിയിട്ട തക്കം നോക്കിയാണ്‌ മോഷ്‌ടാവ്‌ ബൈക്കുമായി കടന്നത്‌. മോഷ്‌ടാവെന്ന്‌ സംശയിക്കുന്ന വ്യക്‌തി അയല്‍വീടുകളിലെല്ലാം ചെന്ന്‌ താന്‍ രോഗികയാണെന്നും സഹായിക്കണമെന്നും പറഞ്ഞ്‌ യാചന നടത്തിയിരുന്നു. പലരും പണം നല്‍കി സഹായിട്ടുമുണ്ട്‌. സംഭവത്തില്‍ കൊണ്ടോട്ടി പൊലീസിനു പരാതി നല്‍കി. പൊലീസ്‌ സി.സി.ടി.വി ദൃശ്യങ്ങള്‍ സമാഹരിച്ചിട്ടുണ്ട്‌. മാസ്‌കിട്ടതിനാല്‍ മുഖം വ്യക്‌തമല്ല.
സംഭവം നടന്നതിന്‌ പിറ്റേന്ന്‌ മണ്ണാര്‍ക്കാടിന്‌ സമീപം കരിങ്കല്ലത്താണിയില്‍ വെച്ചും ഇയാള്‍ ബൈക്കുമായി പോകുന്നതിന്റെ ദൃശ്യങ്ങള്‍ പൊലീസിന്‌ ലഭിച്ചിട്ടുണ്ട്‌. പാലക്കാട്‌ ഭാഗത്തേക്കാണ്‌ ബൈക്കുമായി മോഷ്‌ടാവ്‌ കടന്നതെന്ന പൊലീസ്‌ പറഞ്ഞു. ഇയാളെ കുറിച്ച്‌ വിവരം ലഭിക്കുന്നവര്‍ താഴെ കാണുന്ന നമ്പറില്‍ ബന്ധപ്പെടണം: ഷഫീക്‌ : 9895254061, അഷ്‌റഫ്‌ : 9847965699, സഫ്വാന്‍ :8907773005.