എസ് എസ് എല്‍ സി +2 പരീക്ഷകളില്‍ ഉന്നത വിജയം കരസ്ഥമാക്കിയ നൗഷാദ് മാരുടെ മക്കളെയും സാമൂഹ്യ സാംസ്‌കാരിക സേവന മേഖലകളില്‍ പ്രവര്‍ത്തിക്കുന്ന നൗഷാദ്മാരെയും അനുമോദിച്ചു
മലപ്പുറം : നൗഷാദ് അസോസിയേഷന്‍ മലപ്പുറം ജില്ലാ കമ്മിറ്റി യുടെ നേതൃത്വത്തില്‍ എസ് എസ് എല്‍ സി , പ്ലസ് ടു പരീക്ഷകളില്‍ ഉന്നത വിജയം കരസ്ഥമാക്കിയ നൗഷാദ് മാരുടെ മക്കളെയും വിവിധ മേഖലകളില്‍ പ്രവര്‍ത്തിക്കുന്ന നൗഷാദ്മാരെയും അനുമോദിച്ചു. പതിനാല് വിദ്യാര്‍ഥികളെയും ഭിന്ന ശേഷി കുട്ടികളുടെയും അവരുടെ രക്ഷിതാക്കളുടെയും ഉന്നമനത്തിന് വേണ്ടി അഞ്ച് സംസ്ഥാനങ്ങളില്‍ സഞ്ചരിച്ച് പഠനം നടത്തി പ്രധാനമന്ത്രിക്കും രാഷ്ട്രപതിക്കും നിവേദനം നല്‍കിയ സാമൂഹ്യ പ്രവര്‍ത്തകന്‍ നൗഷാദ് തെക്കേയില്‍, ചെറു കഥാകൃത്തും എഴുത്തുകാരനുമായ കെ എസ് ഇ ബി ഓവര്‍സിയര്‍ കെ പി നൗഷാദ്, സാമൂഹ്യ പ്രവര്‍ത്തകന്‍ ഡോ:നൗഷാദ് പന്തപ്പാടന്‍, സബ് രജിസ്ട്രാര്‍ പി എം നൗഷാദ് എന്നിവരെ ആദരിച്ചു.മലപ്പുറത്ത് ഭാഷാ സമര സ്മാരക ഹാളില്‍ നടന്ന ചടങ്ങ് പി ഉബൈദുല്ല എംഎല്‍എ ഉദ്ഘാടനം ചെയ്തു
അസോസിയേഷന്‍ മലപ്പുറം ജില്ലാ പ്രസിഡന്റ് നൗഷാദ് പാതാരി അധ്യക്ഷത വഹിച്ച ചടങ്ങില്‍ അസോസിയേഷന്‍ മലപ്പുറം ജില്ലാ ജനറല്‍ സെക്രട്ടറി നൗഷാദ് മാംബ്‌റ സ്വാഗതം പറഞ്ഞു.അസോസിയേഷന്‍ മലപ്പുറം അസിസ്റ്റന്റ് സെക്രട്ടറി നൗഷാദ് വറ്റലൂര്‍ വിഷിശ്ട വ്യക്തികളെ പരിചയപ്പെടുത്തി.നൗഷാദ് മാസ്റ്റര്‍ അരീക്കോട്,നൗഷാദ് തിരൂരങ്ങാടി,നൗഷാദ് എടവണ്ണ,നൗഷാദ് കാരാട്ടില്‍,നൗഷാദ് ആലിപ്പറംബ തുടങ്ങിയവര്‍ പ്രസംഗിച്ചു.അസോസിയേഷന്‍ മലപ്പുറം ജില്ലാ ട്രഷറര്‍ നൗഷാദ് ബിസ്മി നന്ദി പറഞ്ഞു