പൊന്നാനിയില്‍ നാടോടി സംഘം മയിലിനെ കറിവെച്ചു
പൊന്നാനി: പൊന്നാനിയില്‍ നാടോടി സംഘം മയിലിനെ വേട്ടയാടി കറിവെച്ചു. മലപ്പുറം കുണ്ടുകടവ് ജങ്ഷനില്‍ താമസിക്കുന്ന തമിഴ്നാട് സ്വദേശികളാണ് മയിലിനെ കറിവെച്ചിരിക്കുന്നത്. മയിലിനെ കറിവെച്ച വിവരം നാട്ടുകാര്‍ വനംവകുപ്പിനെ അറിയിച്ചിട്ടുണ്ട്. അന്വേഷണം പുരോഗമിക്കുകയാണ്. മയിലിനെ കറിവെക്കുന്നത് നിയമപരമായി നിരോധിച്ചതിനാല്‍ നാടോടിസംഘത്തെ അറസ്റ്റ് ചെയ്തേക്കും.
തുയ്യം പ്രദേശത്ത് രണ്ട് മയിലുകള്‍ കറങ്ങുന്നതായി വിവരം ലഭിച്ച നാടോടികള്‍ ഇവയിലൊന്നിനെ പിടികൂടുകയായിരുന്നുവെന്നാണ് വിവരം. മയിലുകളിലൊന്നിനെ കാണാനില്ലെന്ന് മനസിലാക്കിയ നാട്ടുകാര്‍ നടത്തിയ അന്വേഷണത്തില്‍ നാടോടികള്‍ വെച്ച കറി കണ്ടെത്തുകയായിരുന്നു. ഉടന്‍ പൊലീസിനെയും വനംവകുപ്പിനെയും വിവരമറിയിച്ചു.