മൂന്ന് കോടിയിലധികം രൂപ വിലവരുന്ന ഹാഷിഷ് ഓയിൽ പിടികൂടി
പാലക്കാട്: വാളയാര്‍ ടോള്‍പ്ലാസയില്‍ പതിനൊന്ന് കിലോയിലധികം ഹാഷിഷ് ഓയില്‍ എക്സൈസ് പിടികൂടി. കോയമ്പത്തൂര്‍ -ആലപ്പുഴ കെഎസ്‌ആര്‍ടിസി ബസിലാണ് ഹാഷിഷ് ഓയില്‍ കടത്താന്‍ ശ്രമിച്ചത്. വൈപ്പിന്‍ സ്വദേശി പ്രമോദില്‍ നിന്നാണ് ലഹരി മരുന്ന് പിടികൂടിയത്.
ആന്ധ്രയില്‍ നിന്ന് എറണാകുളത്തേക്ക് കടത്തുകയായിരുന്നുവെന്നാണ് ഇയാള്‍ എക്സൈസിന് നല്‍കിയ മൊഴി. മൂന്ന് കോടിയിലധികം രൂപ വിലവരുന്ന ഹാഷിഷ് ഓയിലാണ് പരിശോധനയില്‍ പിടിച്ചെടുത്തത്.