ഖത്തർ ലോകകപ്പ്​ കാണാം ചുരുങ്ങിയ ചെലവിൽ; ആ​ദ്യ ഘ​ട്ട ടി​ക്ക​റ്റ്​ ബു​ക്കി​ങ്​ ആ​രം​ഭി​ച്ചു

ഖത്തർ: വളരെ ആവേഷത്തോടെയാണ് ഫുട്ബോൾ ലോകം ഫിഫ ലോകകപ്പിനെ കാത്തിരിക്കുന്നത്. ലോകകപ്പ് കാണാനുള്ള ടിക്കറ്റ് ബുക്കിങ്ങിന് ഇന്നലെ തുടക്കമായി. ഫിഫയുടെ ഔദ്യോഗിക വെബ്സൈറ്റ് വഴി ടിക്കറ്റ് ബുക്കിങ് നടത്താം. ജനുവരിൽ 19 മുതൽ ഫെബ്രുവരി എട്ട് വരെ ഈ സെെറ്റിൽ കയറി ടിക്കറ്റ് ബുക്ക് ചെയ്യാം. http://Fifa.com/tickets എന്നാണ് ലിങ്ക്.

ലോകകപ്പ് ചരിത്രത്തിലെ ഏറ്റവും കുറഞ്ഞ നിരക്കിൽ ആണ് ഇത്തവണ ടിക്കറ്റ് വിൽപ്പന നടത്തുന്നത്. 1990നു ശേഷമുള്ള നിരക്കുകൾ പരിശോധിക്കുമ്പോൾ ഏറ്റവും കുറഞ്ഞ നിരക്ക് ആണ് ഇത്തവണ ഏർപ്പെടുത്തിയിരിക്കുന്നത്. ലോകകപ്പിന് ആതിഥേയം വഹിക്കുന്ന ഖത്തറിലെ സ്വദേശികൾക്കും വിദേശികൾക്കും 40 ഖത്തർ റിയാലിന് (819 ഇന്ത്യൻ രൂപ)ക്ക് ടിക്കറ്റ് ലഭിക്കും. നവംബർ 21ന് അൽബെയ്ത് സ്റ്റേഡിയത്തിൽ ആണ് ഉദ്ഘാടനം നടക്കുന്നത്. ഡിസംബർ 18ന് ലുസൈൽ സ്റ്റേഡിയത്തിൽ ആണ് ഫെെനൽ മത്സരങ്ങൾ നടക്കുക. മാധ്യമം ആണ് വാർത്ത റിപ്പോർട്ട് ചെയ്തിരിക്കുന്നത്.

മൂന്നു വിഭാഗങ്ങളിലായാണ് ടിക്കറ്റുകൾ ബുക്ക്ചെയ്യാൻ സാധിക്കുക. ടീം സ്പെസിഫിക് ടിക്കറ്റ്, ഫോർ സ്റ്റേഡിയം ടിക്കറ്റ് സീരീസ്, വ്യക്തിഗത മാച്ച് ടിക്കറ്റ് എന്നിവയാണ് വിഭാഗങ്ങൾ. മാർച്ച് എട്ടിന് ശേഷം ആണ് ആദ്യ ഘട്ടത്തിലെ നറുക്കെടുപ്പ് നടക്കുക. ടിക്കറ്റിന് അർഹരെ തെരഞ്ഞെടുക്കുകയാണ് ലക്ഷ്യം. ഇതിൽ തെരെഞ്ഞടുക്കുന്നവർക്ക് പണമടച്ച് ഗാലറിയിൽ ഇരിപ്പിടം ഉറപ്പിക്കാം.

വ്യക്തിഗത മാച്ച് ടിക്കറ്റിങ്ങിൽ ആണ് ടിക്കറ്റ് ബുക്ക് ചെയ്യുന്നതെങ്കിൽ ഗോൾപോസ്റ്റിന് പിറകിലായുള്ള ഗാലറിയിൽ ഇരുന്ന കളി കാണാൻ അവസരം. ഗ്രൂപ് മത്സരങ്ങൾക്ക് 40 റിയാലും, ഫൈനലിന് 750 റിയാലും ആണ് നിരക്ക് വരുന്നത്. എന്നാൽ ആദ്യ ഘട്ടത്തിൽ ഖത്തറിലെ താമസക്കാർക്ക് മാത്രമാണ് ഈ ടിക്കറ്റുകൾ ലഭിക്കുന്നത്. വ്യക്തിഗത ടിക്കറ്റുകളുടെ നിരക്കുകൾ ഇങ്ങനെയാണ്, വിദേശികൾ ആണെങ്കിൽ കാറ്റഗറി ഒന്ന് (ഗ്രൂപ് റൗണ്ട് മത്സരം 16,000 രൂപ, ഫൈനൽ 1.19 ലക്ഷം രൂപ), കാറ്റഗറി മൂന്ന് (ഗ്രൂപ് റൗണ്ട് 12,260 രൂപ, ഫൈനൽ 74,500 രൂപ), കാറ്റഗറി മൂന്ന് ( ഗ്രൂപ് റൗണ്ട് 5108 രൂപ, ഫൈനൽ 44,900 രൂപ) എന്നാൽ ഫാൻ ഐഡി കെെവശം ഉള്ളവർക്ക് സ്റ്റേഡിയത്തിലേക്ക് നേരിട്ട് പ്രവേശിക്കാൻ സാധിക്കും. ഫെബ്രുവരി എട്ടിന് ഒന്നാം ഘട്ട നറുക്കെടുപ്പ് അവസാനിക്കും. തുടർന്ന് ഏപ്രിൽ ഒന്നിന് നടക്കുന്ന ടീം നറുക്കെടുപ്പിന് പിന്നാലെ രണ്ടാം ഘട്ട ടിക്കറ്റുകളുടെ വിൽപ്പന ആരംഭിക്കും.